Alternate Text

زۆرترین بینراو

Alternate Text

هاوسەرەکەی نانسی عەجرەم کەسێک دەکوژێت

هەمەرەنگ

بینراو 7219

پێش 3 هەفتە

Alternate Text
+ -

هاوسەرەکەی نانسی عەجرەم دوای ئەوەی دزێک دەچێتە ماڵیان تەقە لە دزەکە دەکات و دەستبەجێ دزەکە گیان لەدەستدەدات.

ئاژانسی هەواڵی نیشتمانی لوبنان لە هەواڵیکیدا ئاشکرایکردووە،" شەوی رابردوو هاوڵاتییەكی سوری بە ناوی محەمەد حەسەن موسا تەمەن ٣١ ساڵ چووەتە سەر ماڵی نانسی عەجرەم لە یەكێك لە ڤێلاكانی ناوچەی نیو سوهەیلە كەسرەوان بەمەبەستی دزیكردن". 

ئەو سەرچاوە ئاماژەی بەوەشکردووە،" كاتێك دزەكە چووەتە ناو ڤێلاكە، رووبەڕوی دكتۆر فادی هاشمی هاوسەری نانسی عەجرەم بووەتەوە و تەقەیان لە یەكتر كردووە، لە ئەنجامی تەقەكردنی هەردولادا لە یەكتر، دزەكە دەستبەجێ‌ بە فیشەكی دەمانچەكەی دكتۆر فادی كوژراوە، دواتریش هێزە ئەمنییەكان گەیشتوونەتە شوێنی رووداوەكە و لێكۆڵینەوەیان دەستپێكردووە".  

نانسی نەبیل عەجرەم لە ١٦ی ئایاری ١٩٨٣ لە یەکێک لە خێزانە (کریستیان)ـەکان لە ناوچەی ئەجرەفـی لە بەیرووتـی پایتەختی لوبنان لە دایکبووە، نانسی گۆرانیبێژێکی بەناوبانگی عەرەبـی لوبنانـییە، لەدەستپێکی کارەکانی نانسی بەگۆرانییەکانی (أخاصمک آە) و (یا سلام) وە (آە ونص) بەجیھان ناسێنرا، نانسی دوو جار خەڵاتی مۆسیقای جیھانیی (World Music Award)ـی بەدەستھێناوە، نانسی جگە لەکاری گۆرانی وتن کاری تەلەفزیۆنی کردووە وەک لیژنەی ھەڵسەنگاندن ئەویش لەبەرنامەی عەرەب ئایدل. 

 

 

Copyright 2019 BMC TV. All right reserved

Designed and Developed by AVESTA GROUP