Alternate Text

زۆرترین بینراو

Alternate Text

ژاپۆن هەڵوێستی خۆیان دەربارەی وتەکانی ترەمپ ئاشکراکرد

جیهان

بینراو 265

پێش 2 هەفتە

Alternate Text
+ -

دوای ئەوەی دوێنێ شەو دۆناڵد ترەمپ رایگەیاند، مووشەکی سەرکەوتوویان دروستکردووە، بەڵام نایانەوێت بەکاریبێنن، سەرۆکوەزیرانی ژاپۆنیش پێشوازی لە هەڵوێستەکەی ترەمپ دەکات.
 
شینزۆ ئابێ، سەرۆکوەزیرانی ژاپۆن دوای وتەکانی ترەمپ رایگەیاند،" وڵاتەکەی پێشوازی لە هەڵوێستی ئەمریکا بەرامبەر هێرشەکەی ئێران دەکات و داواش لە هەموو لایەنەکان دەکات دانبەخۆیاندا بگرن".
 
سەرۆکوەزیرانی ژاپۆن دەربارەی لێدوانەکانی سەرۆکی ئەمریکا ئاماژەی بەوەکرد،" ژاپۆن پێشواز لەم کاردانەوە هێمنانەیە و دانبەخۆداگرتنە دەکات، ئەوان لە هەوڵەکانیان بۆ کەمکردنەوەی گرژییەکان لە ناوچەکە بەردەوامدەبن و داواش لە هەموو لاینەکان دەکەن دانبەخۆیاندا بگرن".
 
وتەکانی دۆناڵد ترەمپ کاردنەوەی زۆری بەدوای خۆیدا هێنا لای خۆیەوە سکرتێری گشتی ناتۆ یێنس ستۆڵتنبێرگ، لە پەیوەندییەكی تەلەفۆنیدا لەگەڵ دۆناڵد ترەمپ رایگەیاند،" ھاوڕابوون لەسەر زیادکردنی رۆڵی ناتۆ بۆ سەقامگیری لە رۆژھەڵاتی ناوەڕاست و شەڕی تیرۆریزمی نێودەوڵەتی".

هاوکات دوابەدوای وتارەکەی ترەمپ موقته‌دا سه‌در، رێبه‌ری ره‌وتی سه‌در رایگەیاند،"  ئه‌و كێشه‌ییه‌ی هه‌بوو، به‌ وتاره‌كه‌ی تره‌مپ و گوتاری كۆماری ئیسلامی ئێران كۆتایی هات".

ئەوەش لەکاتێکدایە دوێنێ شەو دۆناڵد ترەمپ لەکۆنگرەیەکی رۆژنامەوانیدا رایگەیاند، چەندین سزاى ئابورى دیکە بەسەر ئێران دەسەپەێنین و ئێران سپۆنسەری تیرۆرە، هاوکات ئاماژەی بەوەشکرد، ئەمریكا چەندین جۆر چەك و موشەكی نوێ و بەهێزی هەیە بەڵام ئەوە مانای ئەوەنییە كە بەكاردەهینیین دژی هیچ لایەك، ئێران وڵاتێكی مەزنە و دەتوانێت لە رێككەوتن سود وەربگرێت نەك لە دژایەتیكردن و جەنگ".

Copyright 2019 BMC TV. All right reserved

Designed and Developed by AVESTA GROUP