Alternate Text

زۆرترین بینراو

Alternate Text

ئۆكرانیا یەکێک لە گریمانەی کەوتنە خوارەوەی فڕۆکەکە مووشەك بووە

جیهان

بینراو 26

پێش 3 هەفتە

Alternate Text
+ -


ئەنجومەنی ئاسایش و بەرگری نەتەوەیی ئۆكرانیا رایگەیاند، سێ گریمانەی هەیە بۆ كەوتنە خوارەوەی فرۆكەكە لەناویدا گریمانەی بەركەوتنی موشەك بە فرۆكەكە.

بەپێی هەواڵێکی روسیا تودەی، ئەمڕۆ پێنجشەممە نوسینگەی رۆژنامەوانی ئەنجومەنی ئاسایش و بەرگری نەتەوەیی ئۆكرانیا سێ گریمانەی بۆ كەوتنە خوارەوەی فرۆكەكەی بڵاوکردەوە، لەیەکەمین گریمانەدا هێرشی تیرۆرستی بەهۆكاری کەوتنە خوارەوەی فڕۆکەکە ناوبردووە.

ئەو سەرچاوەیە لە گریمانەی دوهەمدا کەوتنەخوارەوەی فڕۆکەکەی بۆ تەقینەوەی بزوێنەری فڕۆکەکە گەراندەوە، و لەسێهەم گریمانەشدا باس لە بەئامانجگرتنی فڕۆکەکە دەکات بەهۆی موشەکی ئاسمانییەوە.

هەمان سەرچاوە ئاماژەی بەوەشکرد، "ئەمڕۆ لێکۆڵەرەوە و پسپۆڕانی ئۆکرانیا گەیشتونەتە تاران بۆ لێکۆڵینەوە لە هۆکاری کەوتنەخوارەوەی فڕۆکە ئۆکرانیەکە".

ئەمە لەکاتێکدایە بەیانی ئەمڕۆ هێڵی ئاسمانی ئێران رایگەیاند،"ئەو فرۆكە ئۆكرانیەی دوێنێ كەوتە خوارەوە كێشەیەكی تەكنیكی هەبووە و بەڵگە و شایەتحاڵ بەردەستن كە بەشێك لە فرۆكەكە لە ئاسمان ئاگریگرتووە"

دوێنێ فرۆكەیەكی بیونگ ٧٣٧ كە ١٨٠ سەرنشینی تێدا بووە، لە ئێران كەوتە خوارەوە، هەر ئەمڕۆش هێڵی ئاسمانی ئێران زانیاری لەسەر هۆكاری كەوتنە خوارەوەی فرۆكە ئۆكرانیەكە ئاشکرا کردوو رایگەیاند، "هۆكارەكە تەكنیكی بووە".

Copyright 2019 BMC TV. All right reserved

Designed and Developed by AVESTA GROUP