Alternate Text

زۆرترین بینراو

Alternate Text

هەسەدە: زیاتر لە سێ هەزار كەس لە رۆژئاوای كوردستان بێسەروشوێنن

کوردستان

بینراو 57

پێش 2 هەفتە

Alternate Text
+ -


فەرماندەیی هێزەكانی سوریای دیموكرات (هەسەدە) رایگەیاند، لیژنەیەكیان بۆ دۆزینەوەی چارەنوسی ئەو ١٠ ئەندامەی ئەنجومەنی نیشتمانی كوردی سوریا (ئەنەكەسە)  پێكهێناوە، كە بێ سەروشوێنن.

هەسەدە باسی لەوەكردووە، لە چوارچێوەی دەستپێشخەریەكەیان بۆ یەكخستنی گوتاری كورد لە سوریا و لەسەر داوای ئەنەكەسە، لیژنەیەكیان پێكهێناوە بۆ دۆزینەوە و ئاشكراكردنی چارەنوسی ئەو دە ئەندامەی ئەنەكەسە، كە بێسەروشوێنن.

هەر لەو راگەیەنراوەدا هەسەدە ئەوەشی خستوەتەڕوو، كە بەدرێژایی ساڵانی رابردوو سێ هەزار و ٢٨٦ كەس لە ناوچە جیاجیاكانی رۆژئاوای كوردستان ونبوون، لەوانە ٥٤٤ كەسیان لە لایەن داعشەوە رفێنراون، دوو هەزار و ٣٦٨ كەسیان لەلایەن گروپە چەكدارەكانی سەر بە توركیا و ٣٧٤ كەسیشیان لە لایەن دەزگا ئەمنیەكانی سەر بە حكومەتی ناوەندی سوریاوە رفێنراون.

لە كۆتایی راگەیەنراوەكەیدا هەسەدا باسی لەوەكردووە، بەدواداچوونی چارەنوسی ونبووان ئەرێكی ئەخلاقی و یاساییە و پێویستی بەكاری هاوبەشە، هەروەها پێویستی بە هاوكاری هەموو لایەنە كاراكانەو بەرپرسیاریەتییەكەشی لە ئەستۆی دامەزراوەكانی بەڕێوەبەری خۆسەرە لە باكووری سووریا بۆ گەییشتن بە ئەنجامی پێویست.

Copyright 2019 BMC TV. All right reserved

Designed and Developed by AVESTA GROUP