Alternate Text

زۆرترین بینراو

Alternate Text

ئێران: فڕۆکە ئۆکرانییەکە بەهەڵە لەلایەن هێزە سەربازییەکانمانەوە خراوەتە خوارەوە

ڕۆژهەڵاتى ناوەڕاست

بینراو 96

پێش 3 هەفتە

Alternate Text
+ -

وەزیری دەرەوەی ئێران داوای لێبوردن لە گەلی ئێران و كەسوكاری قوربانییانی رووداوی كەوتنەخوارەوەی فڕۆكە ئۆكراینییەكە دەكات.

محەمەد جەواد زەریف، وەزیری دەرەوەی ئێران، لە تویتێكدا ئاماژەی بەوە كردووە، ئەمڕۆ رۆژێكی خەمناكە كە دوای لێكۆڵینەوە سەرەتاییەكان، رایدەگەیەنن فڕۆكە ئۆكراینییەكە بە ھەڵەیەكی مرۆیی كەوتووەتە خوارەوە.

ئاماژەی بەوەشكردووە، نیگەرانن و داوای لێبوردن لە گەلی ئێران و كەسوكاری قوربانییان دەكەن و سەرەخۆشی خۆشیان بۆ كەسوكاری ھەموو ئەو كەسانە دەردەبڕن، كە لە رووداوی كەوتنەخوارەوەی ئەو فڕۆكە ئۆكراینییە گیانیان لەدەستداوە.

له‌لایه‌كی دیكه‌وه‌  حەسەن رۆحانی سەرۆک کۆماری ئێران لە توویتێکدا رایگەیاند، "لێکۆڵینەوەکانی هێزە چەکدارەکان بەو ئەنجامە گەیشتوون کە بەداخەوە بەهۆی هەڵەیەکی مرۆیی بۆتە هۆی تێکشکانی فڕۆکە ئۆکراینییەکە و گیانلەدەستدانی ١٧٦ کەسی بێتاوان".

وتیشی "لێکۆڵینەوەکان بەردەوامن بۆ دیاریکردن و دادگایی کردنی ئەم هەڵەیەی کە مایەی لێخۆشبوون نییە".

 

رۆژی چوارشه‌ممه‌ی رابردوو ، فڕۆكه‌یه‌كی جۆری ( بۆینگ ٧٣٧)ی ئۆكراینی له‌ دوای هه‌ڵفڕینی له‌ فڕۆكه‌خانه‌ی "ئیمام خومه‌ینی" تاران، تێكشكا و سه‌رجه‌م سه‌رنشینه‌كانی گیانیان له‌ده‌ستدا.

Copyright 2019 BMC TV. All right reserved

Designed and Developed by AVESTA GROUP