Alternate Text

زۆرترین بینراو

Alternate Text

له‌ناو سه‌رنشینه‌كانی فڕۆكه‌ ئۆكرانییه‌كه‌دا ته‌نها بازرگانێك رزگاری بووه‌

ڕۆژهەڵاتى ناوەڕاست

بینراو 33

پێش 2 هەفتە

Alternate Text
+ -


ئەو كەسەی لە فرۆكە ئۆكرانییەكە رزگاری بوو زۆر سوپاسگوزارە لە پۆلیسی هاتوچۆ لە كاتێكدا بەهۆی خێرا رۆشتنی بۆ فرۆكەخانە كێشەیان بۆ دروست كردووە.

واحید شه‌هبازییه‌ به‌ ژماره‌یه‌ك میدیای ئێرانی راگەیاندووە، به‌هۆی خێرالێخوڕینی ئۆتۆمبێله‌كه‌ی له‌لایه‌ن پۆلیسی هاتووچۆوه‌ رێگه‌ی لێگیراوه‌ و له‌ گه‌شته‌كه‌ی دواكه‌وتووه‌.

رزگاربووکە وتیشی،  تەمەنی ٥٥ ساڵە و خەریكی كاری بازرگانییە بەهۆی ئەوەی دواكەوتووە، بەخێرایی رۆشتووە بەرەو فرۆكەخانە تا فریای فرۆكەكە بكەوێت، بەڵام لە رێگە پۆلیسی هاتووچۆ لەبەر خێرایی لێخورین دەیگرن.

وتیشی، سەرەتا زۆر نارەزایم دەردەبڕی لەوە كە پۆلیسەكانی هاتوچۆ رایدەگرن، داوای دوو ملیۆن تمەن سزای بۆ دەكەن بەهۆی خێرا رۆشتنەكەیەوە، كاتێك دەگاتە فڕۆكەخانە دەبینێ فرۆكەكە جێیهێشتووە، بۆیە زۆر نیگەران بووم،به‌ڵام دوای ماوه‌یه‌كی كه‌م هه‌واڵی كه‌وتنه‌ خواره‌وه‌ی ئه‌و فڕۆكه‌ ئۆكراینییه‌م پێگه‌یشت و به‌هۆی ئه‌وه‌ی ژیانم رزگار بوو، دڵخۆشیم ده‌ربڕی و زۆر زۆر سوپاسی پۆلیسه‌كانم كردووه‌ كه‌ به‌و هۆیه‌وه‌ ژیانم له‌ مردن رزگار بوو.

ئەمە لەکاتێکدایە، رۆژی چوارشه‌ممه‌ی رابردوو ، فڕۆكه‌یه‌كی جۆری ( بۆینگ ٧٣٧)ی ئۆكراینی له‌ دوای هه‌ڵفڕینی له‌ فڕۆكه‌خانه‌ی "ئیمام خومه‌ینی" تاران، تێكشكا و سه‌رجه‌م سه‌رنشینه‌كانی گیانیان له‌ده‌ستدا.


Copyright 2019 BMC TV. All right reserved

Designed and Developed by AVESTA GROUP