Alternate Text

زۆرترین بینراو

Alternate Text

سلێمانی... لە سێ رووداوی جیادا شەش کەس گیانیان لەدەستدا و چوار کەسی دیکەش برینداربوون

کوردستان

بینراو 158

پێش 2 هەفتە

Alternate Text
+ -

هاتوچۆی سلێمانی رایگەیاند، له‌ئەنجامی رووداوێكی هاتوچۆ له‌نزیك كۆیه‌ دوو شۆفێر گیانیان له‌ده‌ستدا.

بەڕێوەبەرایەتی هاتوچۆی سلێمانی رایگەیاند، پاشنیوه‌ڕۆی ئه‌مڕۆ له‌نزیك كۆیه‌، له‌سه‌ر ڕێگه‌ی (هه‌ولێر – كۆیه‌) رووداوێكی هاتوچۆ له‌جۆری پێكدادان له‌نێوان تانكه‌رێكی سوته‌مه‌نی‌ و ئۆتۆمبێلێك روویدا‌.

ئاماژەی بەوەشداوە، هه‌ردوو ئۆتۆمبێلێكه‌ گڕیان گرتووە ‌و سوتاون، به‌و هۆیه‌وه‌ هه‌ردوو شۆفێره‌كه‌ گیانیان له‌ده‌ستداوە.

هەر ئەمڕۆ رووداوێکی دیکە ھاتووچۆ لەسەر رێگای سەرەکی چوارقورنە- ھیزۆب لە نێوان تراکتۆرێک و تاکسیەک روویدا، بەهۆیەوە کەسێک گیانی لەدەستدا و سێ کەسی دیکەش برینداربوون.

هاوکات سەر لە بەیانی ئەمڕۆ لە رووداوێکی هاتووچۆی دیکەدا لەسەر رێگای دەربەندیخان_ وارماوە، ئۆتۆمبێلێک بەهۆی خێرایی لە رادەبەر کۆنتڕۆڵ لە دەستدەدات، بەهۆیەوە سێ کەس گیانیان لەدەستدا و کەسێکیش بە سەختی برینداربوو.

ئەوەش لە کاتێکدایە رووداوەکانی هاتوچۆ بەردەوەم لە زیادبووندایە، و شارەزایانی بواری هاتوچۆش هۆکارەکەی دەگێڕنەوە بۆ تیژڕەوی شۆفێران و پابەند نەبوونیان بەڕێنماییەکانی هاتووچۆ و خراپی رێگەوبانەکانەوە.

 

Copyright 2019 BMC TV. All right reserved

Designed and Developed by AVESTA GROUP