Alternate Text

زۆرترین بینراو

Alternate Text

ترەمپ: تەنها بە یەک مەرج لە عێراق دەکشێینەوە

جیهان

بینراو 294

پێش 2 هەفتە

Alternate Text
+ -

سەرۆکی ئەمریکا لە نوێترین لێدوانیدا رایگەیاند، ئەگەر عێراقییەکان سوورن لەسەر ئەوەی هێزەکانی ئەمریکا لە وڵاتەکەیان بچنە دەرەوە کێشە نابێت، بەڵام دەبێت ئەو پارەیە بدەنەوە کە واشنتن لەوێ خەرجیکردووە. 
 
دۆناڵد ترەمپ، سەرۆکی ئەمریکا لە چاوپێکەوتنێکیدا لە کەناڵی فۆکس نیوز رایگەیاند،" لەگەڵ ئەو بڕیارە کێشەم نییە، ئەوان تەنیا بە ئاشکرا ئەو قسەیە دەکەن و لە کۆبوونەوە تایبەتیییەکاندا ئەوە ناڵێن".
 
سەرۆکی ئەمریکا ئاماژەی بەوەشکرد،" ئەگەر عێراقییەکان سوورن لەسەر ئەوەی هێزەکانی ئەمریکا لە وڵاتەکەیان بچنە دەرەوە کێشە نابێت، بەڵام دەبێت ئەو پارەیە بدەنەوە کە واشنتن لەوێ خەرجیکردووە، ئەگەر ئێمە بەجێیبهێڵین، ئەوا دەبێت پارەی باڵیۆزخانەکەمان بدەنێ و ئەو پارەمان بدەنەوە کە خەرجمانکردووە". 
 
لە چاوپێکەتنەکەدا ترەمپ ئەوەشی خستەڕوو "من دەڵێم، ئێمە یەکێک لە گرانبەهاترین فڕۆکەخانەکانمان دروستکرد لە هەموو جیهاندا، خۆزگە لە نیویۆرک دروستمانبکردایە، خۆزگە لە واشنتن دروستمانبکردایە، رێگەی سەرەکیی پان و بەرینمان لەوێ دروستکرد، هیچ کەس تاوەکو ئێستا رێگەی سەرەکی لەوجۆرەی دروستنەکردووە، ئێمە ملیارەها دۆلارمان لەو پرۆژانە خەرجکرد". 

دەربارەی چۆنێتی وەرگرتنی پارەکە لەعێراق دۆناڵد ترەمپ جەختی لەوەکردەوە،" پارەیەکی زۆری عێراق لە بانکەکانی ئەمریکادایە و ٣٥ ملیاری تەنیا لە یەک حیسابدایە".

Copyright 2019 BMC TV. All right reserved

Designed and Developed by AVESTA GROUP