Alternate Text

زۆرترین بینراو

Alternate Text

حکومەتی هەرێم بۆ حەسەن نەسڕوڵا: ئەوە پێشمەرگە بوو کوردستانی پاراست نەک کەسێکی دیکە

کوردستان

بینراو 88

پێش 2 هەفتە

Alternate Text
+ -

وتەبێژی حکومەتی هەرێمی کوردستان، وەڵامی حەسەن نەسروڵا، ئەمینداری حزبوڵای لوبنانی دایەوە و رایگەیاند،"پێمان سەیرە کە بەدەنگێکی لەرزۆک  و شێوازێکی هەرزەکارانە، هێرش دەکەیتە سەر هەرێمی کوردستان و رێبەری نەتەوەیەک".

لە راگەیەندراوێكدا جوتیار عادل ئاشكرایكرد،" پێمان سەیرە کە بەدەنگێکی لەرزۆک  و شێوازێکی هەرزەکارانە، هێرش دەکەیتە سەر هەرێمی کوردستان و رێبەری نەتەوەیەک. تۆ کە چەندین ساڵە رەنگی خۆرت نەبینیوە و لە ژێر زەویەکان خۆت حەشار داوە، کەچی ئیهانە و سوکایەتی بە گەلێکی قارەمان دەکەی. لە جیاتی ئەو هێرشە نابەجێیە، هەقبو داکۆکی لەو نەتەوە ژێردەستە بکەی کە چەندین ساڵە ستەم و زۆرداری لێ دەکرێت".

 

وتەبێژی حكومەتی هەرێم وتیشی،" ئەوە هێزی پێشمەرگە بوو، هەولێر و کوردستانی پاراست نەک خەڵکی تر، لە گەڵ ئەوەشدا ئێمە سوپاسی هەمو کەسێکمان کردوە کە یارمەتی ئێمەیان داوە، بەڵام ئەو کەسەی کە گوایه‌ نوێنەری ئێوە بووە و لە کاتی سەردانی بۆ لای بارزانی بەشدار بووە، دەبێت هەر هەمان کەس بێت لە گەڵ هاوچەشنەکانی خۆی، لە رۆژانی ١٦ و ٢٠ و ٢٦ ئۆکتۆبەری ٢٠١٧ ئامانج و خەونی داگیرکردنی کوردستان بو،  بەڵام لە بەرامبەر خۆراگرى و بەرگری قارەمانانەی پێشمەرگەدا، لەرزۆکانە و سەرشۆڕانە سەریان لە بەرد دا و خەونەکانیان لە گۆڕنرا."

وتیشی،" تۆ کە لە ترسی نەیارەکانت ناوێری سەر هەڵبڕی، بۆ شەڕ بە نەتەوەیەک دەفرۆشی کە هیچ پەیوەندییەکی بە تۆوە نییە، سەرۆک بارزانی رەمزی خۆڕاگری نەتەوەیەکە و تۆی ترسنۆک زۆر لەوە بچوکتری ئەو زماندرێژییە بکەی".

Copyright 2019 BMC TV. All right reserved

Designed and Developed by AVESTA GROUP