Alternate Text

زۆرترین بینراو

Alternate Text

ئەم کەسە دەستنیشانکراوە بۆ وەرگرتنی پۆستی سەرۆکی دەستەی حەشدی شەعبی

عێراق

بینراو 199

7 رۆژ پێش ئێستا

Alternate Text
+ -

 لایەنە شیعەكان رێكەووتوون لەسەر دانانی هادی عامری وەك سەرۆكی دەستەی رێكخراوی حەشدی شەعبی، بەڵام عامری مەرجی هەیە بۆ وەرگرتنی ئەو پۆستە.

سۆمەریە نیوز لە سەرچاوەیەكی سیاسییەوە ئاشكرایكرد،" كە لایەنە شیعەكان رێكەووتوون لەسەر دانانی هادی عامری وەك سەرۆكی دەستەی رێكخراوی حەشدی شەعبی، بەڵام عامری مەرجی هەیە".

ئەو سەرچاوەیە ئاماژەی بەوەشکردووە،" هادی عامری كە هاوكات سەرۆكی هاوپەیمانی فەتحە، رەزامەندی نواندووە لەسەر وەرگرتنی پۆستی سەرۆكی رێكخراوی حەشدی شەعبی، بەڵام مەرجی ئەوەی هەیە كە لەلایەن پەرلەمانەوە ئەو پۆستەی پێبدرێت و ئەوان متمانەی پێ ببەخشن".

هاوکات هادی عامری هاوشێوەی ئەبو مەهدی بە كەسێكی نزیك لە ئێران دادەنرێت و وەزیری دەرەوەی ئەمریكا لە كاتی هەڵكوتانە سەر بارەگای باڵیۆزخانەی ئێران بە تیرۆرست ناوی برد.

ئەوەش لەکاتێکدایە رۆژی سێی کانوونی دووەم قاسم سولەیمانی لەگەڵ ئەبو مەهدی موهەندیسی فەرماندەیەکی باڵای حەشدی شەعبی لە نزیک فڕۆکەخانەی نێودەوڵەتی بەغدا لەلایەن ‌هێزەکانی ئەمریکاوە بە موشەک کاروانی ئۆتۆمبێلەکانیان بۆردومانکران و لەگەڵ هەشت کەسی دیکەدا کوژران، وەهەروەها تا ئێستاش شوێنەکەی ئەبو مەهدی موهەندیس پڕنەکراوەتەوە.

Copyright 2019 BMC TV. All right reserved

Designed and Developed by AVESTA GROUP