Alternate Text

زۆرترین بینراو

Alternate Text

قائیمقامیەتی سلێمانی بڕیاری حه‌وت رۆژ داخستنی بۆ دوکانێكی گۆشت فرۆشی دەرکرد

کوردستان

بینراو 579

01/08/2019

Alternate Text
+ -

لیژنەکانی قائیمقامیەتی سلێمانی دەستیان بەسەر بڕێک لە گۆشتی بەستوداگرت،  گۆشتفرۆشەکە بە گۆشتی فرێش دەیویست بیفرۆشێت، بەو مەبەستەش بۆ ماوەی  حەوت رۆژ داخرا و گۆشتفرۆشەکەش رووبەڕووی یاسا دەکرێتەوە.

 لیژەنە هاوبەشەکانی قائیمقامیەتی سلێمانی ئەمڕۆ لەناو راپۆرتێکدا بڵاویان کردۆتەوە له‌ ناو دوكانی گۆشتفرۆشی (یاسین ره‌باتی) له نزیك بازاڕی ئاڵوگۆڕی دراو (دۆلاره‌كه‌)، بڕێك گۆشتی بی مۆرکراو دوای ئەوەی پشکنن بۆ دەکەن لەلایەن ڤێتەنەریەوە دەرکەوتووە کە ئەو گۆشتە بەستوو بووە و خاوەنەکه‌شی ویستویەتی بە گۆشتی فرێش بیفرۆشێت.

ئەمە لە کاتێکدا  بەپێی بڕیارێكی هەریەکە لە لیژنە هاوبەشەکەن  قائیمقامیەت و تەندروستی و ڤێتێرنه‌ری و ئاسایشی سلێمانی، مامه‌ڵه‌كردن و فرۆشتنی گۆشتی به‌ستوو قه‌ده‌غه‌یه‌ و هه‌ر گۆشتفرۆشێك مامه‌ڵه‌ی پێوه‌ بكات رووبه‌رووی سزای یاسایی ده‌بێته‌وه‌.


 لیژنه‌ هاوبه‌شه‌كانی قائیمقامیه‌تی سلێمانی داوا له‌ هاوڵاتیانیش کردووە، له‌كاتی كڕینی گۆشتدا دڵنیابنه‌وه‌ له‌وه‌ی كه‌ گۆشته‌كه‌ مۆركراوه‌، بۆئه‌وه‌ی به‌دووربن له‌و نه‌خۆشییانه‌ی كه‌ له‌رێگه‌ی ئاژه‌ڵی نه‌خۆشه‌وه‌ ئه‌گوێزرێته‌وه‌ بۆ مرۆڤ.

Copyright 2019 BMC TV. All right reserved

Designed and Developed by AVESTA GROUP