نوسینگەی مەرجەعی باڵای شیعەکان لە عێراق ١٢ی ئەم مانگەی بە یەکەم رۆژی جەژنی قوربانی پیرۆز دیاریکرد.

نوسینگەی عەلی سیستانی، مەرجەعی باڵای شیعە لە عێراق لە راگەیاندراوێکدا یەکەم رۆژی جەژنی قوربانی بۆ شیعەکانی وڵاتەکەی دیاریکرد.

لە راگەیەندراوەکەدا هاتووە، "سێی ئەم مانگە، یەكەم رۆژی زیلحجەیە و رۆژی ١٢ی ئەم مانگەش کە دەکاتە ١٠ی زیلحجە یەكەم رۆژی جەژنی قوربانە".

دیاریکردنی ١٢ ئاب بۆ شیعەکانی ئێران و عێراق لە کاتێکدایە، پێنجشەممەی رابردوو وڵاتی سعودییە ١١ی ئەم مانگەی بە یەکەم رۆژی جەژنی قوربان دیاریکرد.