Alternate Text

زۆرترین بینراو

Alternate Text

لە سنووری قەرەداغ و سەنگاو نزیکەی سێ هەزار دۆنم پووش و پاوان سووتا

کوردستان

بینراو 36

پێش 3 هەفتە

Alternate Text

بەڕێوەبەری ڕاگەیاندنی بەرێوەبەرایەتیی پۆلیسی دارستان و ژینگەی پارێزگای سلێمانی ئاشکرای کرد،  لە دوو ڕووداوی ئاگرکەوتنەوەدا لەسنووری  قەرەداغ و ناوچەی سەنگاو نزیکەی سێ هەزار و ٥٠٠ دۆنم پووش و پاوان سووتاوە.

هێمن کەمەرخان ئەفەندی، بەڕێوەبەری راگەیاندن لە بەرێوەبەرایەتیی پۆلیسی دارستان و ژینگەی پارێزگای سلێمانی لە راگەیەندراوێکدا روونیكردۆته‌وه‌، ئاگرێکی فراوان لە شاخەکانی گڵەزەردەو دارەڕش و سنووری گوندەکانی (قارەمان و بانی خێڵان و باخان و سوێراو)ی سەر  بە قەرداغ  کەوتووەتەوە.

وتیشی،  دەستبەجێ مەفرەزەکانی بەشی پۆلیسی دارستان و ژینگەی (قەرەداغ)  گەیشتوونەتەە شوێنی رووداوەکە و  تواندرا بە هاوکاریی ئاگرکوژێنەوە و هاووڵاتییانی سنوورەکە، ئاگرەکە کۆنتڕۆڵ بکرێت و زیانی ئاگرەکە سووتانی نزیکەی یەک هەزار و ٥٠٠ دۆنم  پوش و پاوان و داری سنوورەکە بووە".

باسی له‌وه‌شكردووه‌،  لەلایەکی ترەوە لە سنووری چیای (ئەشداخ)ی ناوچەی سەنگاوی سەر بە قەزای چەمچەماڵ ئاگرێکی فراوان کەوتەوە و دەستبەجێ مەفرەزەکانی بنکەی پۆلیسی دارستان و ژینگەی (سەنگاو) گەیشتونەتە شوێنی رووداوەکە  و توانرا بە هاوکاریی  هاووڵاتییانی سنوورەکە ئاگرەکە کۆنتڕۆڵ بکرێت.

هاوكات زیانی ئاگرەکە، سووتانی دوو هەزار دۆنم پووش و پاوان و (٢٠٠ داری سنوورەکە بووە.

Copyright 2019 BMC TV. All right reserved

Designed and Developed by AVESTA GROUP