Alternate Text

زۆرترین بینراو

Alternate Text

پڕۆژەیەک بۆ نەهێشتنی بێکاری رادەگەیەنرێت

کوردستان

بینراو 76

پێش 2 هەفتە

Alternate Text

وەزیری کار و کاروباری کۆمەڵایەتی لەگەڵ ئەنجومەن و پارێزگاری سلێمانی کۆبووەوە و پڕۆژەیەکی چوارساڵی بۆ کەمکردنەوەی ئاستی بێکاریی راگەیاند.

کوێستان محەمەد، وەزیری کار و کاروباری کۆمەڵایەتی رایگەیاند، چەند پڕۆژەیەکمان لەگەڵ دەستەکانی وەزارەتی کار و کاروباری کۆمەڵاتی تاوتوێ کردووە و هاوکات لەگەڵ پارێزگار و ئەنجومەنی پارێزگای سلێمانی کۆبوینەتەوە بۆ دەستپێکردنی چەند پڕۆژەیەکی تایبەت بە درووستکردنی هەلی کار و هاوکاریی خاوەن پێداویستییە تایبەتییەکان و نەخۆشانی ئۆتیزم.

وتیشی،  وەزارەتەکەیان و بەڕێوەبەرایەتییەکانی سەر بە وەزارەتەکەیان بەرنامەیەکیان ئامادەکردوە بۆ کەمکردنەوە و نەهێشتنی بێکاری و لە چوارساڵی ئایندەدا هەمو سەرنجی خۆیان لەسەر نەهێشتنی بێکاری چڕ دەکەنەوە و بۆ تاوتوێکردنی ئەو پڕۆژەیەش لەگەڵ دامەزراوە خۆجێییەکان و حکومەت کۆدەبنەوە.

له‌لایه‌كی دیكه‌وه‌ هەڤاڵ ئەبوبەکر، پارێزگای سلێمانی رایگەیاند، وەک یەک تیم لەگەڵ حکومەت و وەزارەتی کار و کاروباری کۆمەڵایەتی کار دەکەین و کۆبوینەتەوە بۆ دابەشکردنی ئەرکەکان و ئەنجامدانی کاری هاوبەش و بەڵێنمان داوە لەسەر پشتیوانییەکان و ئەرک و خزمەتگوزارییەکان بەردەوام بین و گرنگە حکومەت بیر لە دۆزینەوەی هەلی کار بکاتەوە، چونکە لە راستیدا ئەمە دەبێتە هۆی ئاشتی و تەبایی کۆمەڵایەتی.

روونیشیكرده‌وه‌،  لە ماوەی رابردودا هیچ پارەیەک نەهاتوەتە پارێزگای سلێمانی، تەنها ئەو پارانەی لە رابردودا هەبوە هەوڵ دەدەین بیانخەینە گەڕ و بەکاریان بهێنین بۆ خزمەتی هاوڵاتیان لە بواری خزمەتگوزارییەکانی وەک تۆڕی ئاو و کارەبا و رێگەوبان و نۆژەنکردنەوەی قوتابخانەکان و هاوکاریی ناوەندە تەندروستییەکان.

Copyright 2019 BMC TV. All right reserved

Designed and Developed by AVESTA GROUP