Alternate Text

زۆرترین بینراو

Alternate Text

كلیپه‌ نوێكه‌ی نه‌ڤید له‌ نێوان ره‌تكردنه‌وه‌ و قبوڵكردندا

هونەری

بینراو 285

پێش 3 هەفتە

Alternate Text

ئایلا ناو دواین به‌رهه‌می نه‌ڤید زه‌ندییه‌ كه‌ له‌ ماوه‌ی رابردوودا مشتومڕێكی زۆری به‌دوای خۆیدا هێنا و كاردانه‌وه‌ی لێكه‌وته‌وه‌، به‌ جۆرێك گوێگران و بینه‌رانی به‌سه‌ر سێ به‌ره‌ی جیاوازدا دابه‌شكرد.

به‌شێكیان پێیان وایه‌ ئه‌مجۆره‌ گۆرانیانه‌ دوورن له‌ به‌ها كۆمه‌ڵایه‌تی و ئه‌خلاقییه‌كانی كۆمه‌ڵگای كوردی، چونكه‌ وه‌ك خۆیان ده‌ڵێن كاریگه‌ری ده‌روونی و كۆمه‌ڵایه‌تی خراپ درووستده‌كات.

بۆ ئه‌و بۆچوونه‌شیان پاساوی ئه‌وه‌ ده‌هێننه‌وه‌ له‌ پشت تێكست و ڤیدیۆیكلیپی گۆرانییه‌كه‌وه‌، جۆرێك له‌ روانینی بێ به‌هایانه‌ بۆ ره‌گه‌زی مێ هه‌یه‌ و ده‌ڵێن حه‌ز و ئاره‌زووی سێكسی پیاو بۆ ره‌گه‌زی به‌رامبه‌ری به‌ روونی ده‌رده‌كه‌وێت.

له‌ خوێندنه‌وه‌یه‌كی سایكۆلۆژیدا بۆ تێكستی گۆرانیه‌كه‌ ده‌ڵێن ئه‌وه‌ی له‌ گۆرانیه‌كه‌دا ده‌رده‌كه‌وێت پیدۆفیلیا واته‌ لادانی سێكسییه‌.

لای خۆیه‌وه‌ مهاباد قه‌ره‌داخی نووسه‌ر و چالاكوانی بواری ژنان ره‌خنه‌ی توند له‌و كاره‌ ده‌گرێت و له‌ ئه‌كاونتی خۆی له‌ فه‌یسبووك نوسیوویه‌تی ، "ئه‌و گۆرانییه‌ ژنی بردووه‌ته‌ ئاستی بۆگه‌نترین زه‌لكاو".

پێچه‌وانه‌ی ئه‌و بۆچوونه‌ش به‌شێكی دیكه‌ی گوێگران به‌ جۆرێكی دیكه‌ پێشوازییان له‌ گۆرانیه‌كه‌ كرد و وه‌ك پشتیوانییه‌ك بۆ گۆرانیه‌كه‌ ده‌ڵێن هه‌موو بابه‌تێكی نوێ پێویستی به‌ كات هه‌یه‌ تاكو خۆی له‌گه‌ڵ نه‌ریته‌ باوه‌كانی كۆمه‌ڵگه‌ بگونجێنت.

به‌شێكی دیكه‌ش له‌ خه‌ڵكی خۆیان به‌ دوور ده‌گرن له‌ كاردانه‌وه‌ و قسه‌كردن له‌سه‌ر ئه‌و به‌رهه‌مانه‌ی كه‌ دڵخوازی ئه‌وان نین و پییان وایه‌ ئه‌و به‌رهه‌مانه‌ شایه‌نی قسه ‌له‌سه‌ركردن نین.

نه‌ڤید زه‌ردی له‌ باره‌ی گۆرانییه‌كه‌یه‌وه‌ ده‌ڵێت، گۆرانی ئایلا سه‌ركه‌وتنێكی گه‌وره‌ی به‌ده‌ستهێناوه‌ و به‌ هیچ شێوه‌یه‌ك نه‌یویستووه‌ پێگه‌ی ژن كه‌مبكاته‌وه‌ و له‌ پێشتردا چوار به‌رهه‌می ته‌رخانكردووه‌ بۆ ئافره‌ت.

ئه‌مه‌ له‌ كاتێكدایه‌ خودی نه‌ڤید، ڤیدیۆ كلیپه‌كه‌ی سریه‌وه‌ له‌ یوتیوب و پاشان داینایه‌وه‌.

Copyright 2019 BMC TV. All right reserved

Designed and Developed by AVESTA GROUP