Alternate Text

زۆرترین بینراو

Alternate Text

میسی به‌ڵێنی وه‌رزی پێشووی دووپاتكرده‌وه‌

وەرزش

بینراو 44

پێش 2 هەفتە

Alternate Text


پێش دەستپێکردنی یاری جامی جوان گامپەر لە نێوان بەرشەلۆنە و ئارسناڵ لە یاریگای کامپ نۆ، لە لێدوانێكیدا لێۆنێل میسی بۆ هاندەرانی رایگەیاند: پەشیمان نیم لەو بەڵێنانەی وەرزی پێشوو بە هاندەرانم داوە، ئەم وەرزەش لە پێناو هەموو نازناوەكان دەجەنگین.

میسی ووتی: من متمانەم بە راهێنەران و یاریزانانی یانەکەم هەیە، دەجەنگم لەگەڵیان بۆ ئەوەی باشترین وەرز بەڕێبکەین، داوای لە هاندەرانی یانەكە كرد لە دەسپێكی وەرزێکی نوێدا پشتگیریمان بکەن لە هەموویارییەکاندا.

كاپتنەكەی بەرشەلۆنە ووتیشی: ئێمه‌ له‌ كۆی ١١ وه‌رزی رابردوو ٨ نازناوی لالیگمان بردۆته‌وه‌ و به‌ بارودۆخی قورسیش تێپه‌ڕبووینه‌، به‌ڵام كۆڵمان نه‌داوه‌، په‌شیمانیش نیم له‌ به‌ڵێنه‌كانم و بۆ وه‌رزی نوێش هه‌مان به‌ڵێن به‌هانده‌رانی بەرشە ده‌ده‌مه‌وه‌.

لە كۆتایی قسەكانیدا میسی ئاماژەی بەوەش كرد: قسه‌كردن له‌ باره‌ی وه‌رزی رابردوو زۆر قورسه‌، وه‌رزێكی جیاواز بوو، به‌ڵام گومانم له‌ یانه‌كه‌م نییه‌ و هه‌موومان به‌یه‌كه‌وه‌ ئه‌وه‌ی له‌ تواناماندا هه‌بوو پێشكه‌شمان كرد و به‌رده‌وامیش ده‌بین، بژی بەرشەلۆنە بژی كەتەلۆنیە.

Copyright 2019 BMC TV. All right reserved

Designed and Developed by AVESTA GROUP