Alternate Text

زۆرترین بینراو

Alternate Text

لەماوەی مانگیکدا ٢٧ شوێن بەهۆی پابەندنەبوونیان بە رێنماییەکانەوە داخراون

کوردستان

بینراو 66

05/08/2019

Alternate Text
+ -



لیژنە هاوبەشەكانی قائیمقامییەتی سلێمانی لە راگەیاندراویکدا  ئاماری مانگی تەمموزیان بڵاوکردەوە و بە پێی ئامارەكە لەماوەی ئەو مانگەدا لیژنەكان زیاتر لە چوار هەزار شوێنیان بەسەركردووەتەوە .


لە راگەیەندراوەکەدا هاتووە لە مانگی  تەمموز لیژنەكان سەردانی چوار هەزار و(298) شوێنیان كردووە و لە پابەندبوون و جێبەجێ كردنی مەرج و رێنماییە تەندروستیەكانیان كۆڵیوەتەوە، لە كۆی گەڕان و بەسەركردنەوەكانیان، بەهۆی پابەندنەبوون بە مەرج و رێنماییە تەندروستی و ڤیترنەرییەكانەوە (427) شوێن پسوڵەی سەرپێچیان بۆ كراوە و (857) شوێنیش ئاگاداركراونەتەوە كە پابەندی مەرج و رێنماییەكان بن و بەهۆی جۆرەكانی سەرپێچیەوە (27) شوێن داخراون  و "16" شوێنیش بەهۆی قەبارەی ئەو سەرپێچیانەی كە كردوویانە رووبەڕووی دادگا كراونەتەوە,


لە ئامارەكەدا هاتووە، لە مانگی تەمموزدا بڕی 55 تۆن و پێنج سەدو نەوەد و حەوت كیلۆگرام مەوادو خۆراكی ماوەبەسەرچوو لە ناوبراوە، كۆی گشتی پارەی غەرامەكراویش لەو مانگەدا بریتییە لە (23) ملیۆن و حەوسەد هەزار دینار كە بەپێی  یاساو رێنماییەكانی وەزارەتی دارایی هەرێم دەخرێتەوە سەر داهاتی گشتی.


بە پێی رێنماییەكانی لیژنە هاوبەشەكان هەرشویێنێك پابەند نەبێت سەرەتا ئاگادار دەكرێتەوە، دواتر سزای ماددی دەدرێن و لە ئەگەری دووبارەكردنەوەی سەرپێچیەكاندا رووبەرووی داخستن یان دادگا دەكرێنەوە.

Copyright 2019 BMC TV. All right reserved

Designed and Developed by AVESTA GROUP