Alternate Text

زۆرترین بینراو

Alternate Text

مۆر لە پاسپۆرتی ئەو گەشتیارانە نادرێت کە سەردانی ئێران دەکەن

کوردستان

بینراو 322

06/08/2019

Alternate Text
+ -

به‌ فەرمانی حەسەن رۆحانی، سەرۆک کۆماری ئێران لێدانی مۆر لە پاسپۆرتی ئەو کەسانەى سەردانی ئێران دەکەن هەڵوەشێنرایەوە و چیتر لەکاتی گەشتکردن بۆ ئێران و چوونەدەرەوە لێی مۆر لە پاسپۆرتەکەیان نادرێت.

سەید سەلمان سامانی، وتەبێژی وەزارەتى ناوخۆی ئێران رایگەیاند، لەکاتی گەشتکردن بۆ ئێران هیچ جۆرە مۆرێک لە پاسپۆرتی گەشتیارانى بیانی نادرێت.

وتیشی، هەڵوەشاندنەوەى بڕیاری لێدانی مۆر بە فەرمانی حەسەن ڕۆحانی بووە.

لای خۆیه‌وه‌ لیوا مه‌ریوان شێخ كه‌مال به‌رپرسی مه‌رزی باشماخ به‌ بی ئێم سی راگه‌یاند، بڕیاره‌كه‌ له‌ دیووی ئێرانه‌وه‌ جێبه‌جێده‌كرێت و هه‌ر گه‌شتیارێكی عێراقی بچێته‌ وڵاتی ئێران بێ به‌رامیه‌ر ڤیزای پێده‌درێت.

وتیشی، مۆری چوونه‌ ژووره‌ی وڵاتی ئێران له‌ پاسپۆرته‌كه‌ی نادرێت وله‌سه‌ر په‌ڕه‌یه‌ك ده‌درێت و ڤیزای ئێران ناكرێته‌ سه‌ر پاسپۆرته‌كه‌.

ئه‌مه‌ له‌ كاتێكدایه‌ به‌شێك له‌ هاوڵاتیانی هه‌رێم سه‌ردانی وڵاتی ئێرانیان نه‌ده‌كرد به‌هۆی بارودۆخی سیاسییه‌وه‌ و ترسی دروستبوونی كێشه‌ له‌ كاتی سه‌ردانكردنی وڵاتانی ئه‌وروپی و ئه‌مریكادا.

Copyright 2019 BMC TV. All right reserved

Designed and Developed by AVESTA GROUP