Alternate Text

زۆرترین بینراو

Alternate Text

قوباد تاڵەبانی: كار بۆ بەدیھێنانی بەڵێنەكانمان دەكەین

کوردستان

بینراو 54

08/08/2019

Alternate Text
+ -

قوباد تاڵەبانی جێگری سەرۆك وەزیران رایگەیاند كار بۆ جێبەجێكردنی بەڵێنەكانیان دەكەن و دەبێت پەیوەندییەكی تەندروست ھەبێت لەنێوان حزب و ستافی حكومەت.

ئەم لێدوانەی قوباد تاڵەبانی لەمیانەی دوو دیداردا هات كە لەگەڵ بۆردی گەنجانی یەكێتی لە راپەڕین و مەڵبەندی رێكخستنی راپەڕین ئەمڕۆ هه‌شتی ئابی ٢٠١٩ بەرێوەچوو.

 لە كۆبونەوەی یەكەمدا قوباد تاڵەبانی داوای لە گەنجان كرد هاوكار و چاوكراوەو وشیاربن بۆ بەرەنگاربونەوەی مەترسی مادە هۆشبەرەكان و ئەمەی بەبەشێك لەئەرك دانا لە پێناو پاراستنی تەندروستی گشتی كۆمەڵگا و ئایندەی نەوەكانی ئێستا.

قوباد تاڵەبانی ئەوەی بەگەنجانی یەكێتی راگەیاند،  كۆمەڵگا بەرپرسی نوێنەرەكانیانن لە حكومەت و ئەوان كاربەدەستی ڕەها نین بەڵكو خزمەتكاری خەڵكن و ئەبێ بە مەیدانی ئیش بكەن و خەڵك چاودێربن بەسەریانەوە و بەرەو كاری باش ئاڕاستەیان بكەن.

قوباد تاڵەبانی ئەوەشی روونكردەوە، كاروبار چ حزبی بێت یان حكومی، تەنها بەگەنجان بەڕێوە ناچن بەڵكو پێویستیان بە پسپۆڕی و شارەزایی پیرەكانیش هەیە و دەبێ بەتێكڕا هەوڵی دروستكردنی چەپكە گوڵەكەی مام جەلال بدرێت.

لەمیانەی كۆبوونەوەیەکدا لەگەڵ ئەنجومەنی مەڵبەندی ڕاپەڕین بەئامادەیی وەستا رەسول لێپرسراوی مەڵبەند، جێگری سەرۆك وەزیرانی هەرێم، داوایكرد سەرجەم ئەم كابینەیە بەهی خۆیان بزانن چونكە حكومەت حكومەتی هەرێمی كوردستانە و باسی لەوەشكرد یەكێتی ئەوانی ناردووە لەو كابینەیە خزمەت بكەن، ئەگەر ئەوانیش پشتیوان نەبن ئەوا ناتوانن خزمەت بكەن، هەروەها وتی: دەبێت پەیوەندییەكی تەندروست ھەبێت لەنێوان حیزب و ستافی حكومەت.

قوباد تاڵەبانی وتیشی "یەكێتی نیشتمانی بۆ خزمەتی هەموو تاكێكی كورد دروستبووەو ئەبێ لەئاست ناوەكەی بێت". هاوكات لەگەڵ ئەمەشدا گەشبینی زۆری بۆ قۆناغی ئایندە پیشاندا.

قوباد تاڵەبانی ئەوەشی بۆ مەڵبەندی ڕاپەڕین ڕوونكردەوە بەردەوام دەبن لەهەوڵ بۆ جێبەجێكردنی بەڵێنەكانیان كە ئارامی و هەلی كار و خزمەتە و باسی لەوەكرد ئەو ئەركە بەدەست و دەم جێبەجێ ناكرێت و پڕۆسەی هەڵسەگاندنیش لە كۆتایی وێستگە و پاش چوار ساڵ دەكرێت.

لە كۆتایی كۆبوونەوەكەشدا قوباد تاڵەبانی گوێی لە تێبینی و داواكارییەكانی هەڤاڵانی مەڵبەندی ڕاپەڕین گرت و وەڵامی پرسیاری ئامادەبوانی دایەوەو پێكەوە چەند تەوەرێكی پەیوەست بەناوەڕۆكی كۆبوونەوەكەیان تاوتوێ كرد.

Copyright 2019 BMC TV. All right reserved

Designed and Developed by AVESTA GROUP