Alternate Text

زۆرترین بینراو

Alternate Text

حكومه‌تی هه‌رێم: هه‌ندێك لایه‌ن گه‌ڕانه‌وه‌ی مووچه‌ی ١٣ هه‌زار خاوه‌نپێداویستییان كردووه‌ته‌ ده‌سكه‌ووتی حیزبی

کوردستان

بینراو 88

پێش 2 هەفتە

Alternate Text

حكومه‌تی هه‌رێمی كوردستان له‌ راگه‌یه‌ندراوێكدا ئاشكرایده‌كات، هه‌ندێك لایه‌ن گه‌ڕانه‌وه‌ی مووچه‌ی ١٣  هه‌زار خاوه‌نپێداویستییان كردووه‌ته‌ ده‌سكه‌ووتی حیزبی.

له‌ راگه‌یه‌ندراوه‌كه‌ی حكومه‌تدا هاتووه‌، حکومەتی ھەرێم مولکی ھەموو ھاوڵاتیانی کوردستانە و ھەر بریارێکیش لە لایەن حکومەتەوە دەدرێت ھی ھەموو ھەرێمی کوردستانە و لایەنە بەشداربووەکانی ناو حکومەتیش لە چوارچێوەی بەرنامەی حکومەتدا بە بێ جیاوازی خزمەتی ھەموو ھاوڵاتیان دەکەن.

دەقی روونکردنەوەکە:

ھەندێ کەنالی راگەیاندن بە شێوەیەک بابەتی گەڕاندنەوەی یارمەتیی ١٣ ھەزار خاوەنپێداویستی تایبەتیان خستۆتەڕوو کە گوایە دەستکەوتی حزبێکە.

لێرەدا ڕوونی دەکەینەوە کە ئەم بابەتە لە کۆبوونەوەی ژمارە ٤ی ئەنجوومەنی وەزیرانی رێککەوتی ٢٠١٩/٨/٧ بڕیاری لە سەر دراوە.

حکومەتی ھەرێم مولکی ھەموو ھاوڵاتیانی کوردستانە و ھەر بریارێکیش لە لایەن حکومەتەوە دەدرێت ھی ھەموو ھەرێمی کوردستانە و لایەنە بەشداربووەکانی ناو حکومەتیش لە چوارچێوەی بەرنامەی حکومەتدا بە بێ جیاوازی خزمەتی ھەموو ھاوڵاتیان دەکەن، ھەروەک بەرێز سەرۆکوەزیرانی ھەرێم لە پێشەکیی ھێلەگشتیەکانی بەرنامەی کاری کابینەی نۆیەمیشدا ئاماژەی پێداوە، وەزارەتەکان ھی حکومەتی ھەرێمن نەک حیزبە بەشداربووەکانی ناو کابینە.

ھیوادارین دەزگاکانی راگەیاندنی حیزبەکانی بەشداربووی ناو حکومەت ڕەچاوی ئەم بنەمایە بکەن.

جوتیار عادل
وتەبێژی فەرمی حکومەتی هەرێمی کوردستان

Copyright 2019 BMC TV. All right reserved

Designed and Developed by AVESTA GROUP