Alternate Text

زۆرترین بینراو

Alternate Text

پلانی ئەمنی رۆژانی جەژن لە پارێزگای سلێمانی راگه‌یه‌ندرا

کوردستان

بینراو 33

پێش 2 هەفتە

Alternate Text

بە بۆنەی جەژنی قوربانەوە پلانێکی ئەمنی بۆ پاراستنی گیان و ماڵی هاوڵاتیان بۆ ماوەی حەوت رۆژ لە پارێزگای سلێمانی دادەنرێت.

سەرکەوت ئەحمەد بەرپرسی راگەیاندن و پەیوەندیەکانی پۆلیسی سلێمانی رایگەیاند،" بەبۆنەی جەژنەوە پلانیکی  حەوت رۆژەمان داناوە  و سەرجەم قەزا و ناحیەکانیش ئاگادار کراونەتەوە، یەکەم رۆژی جەژنی قوربان هێزەکانمان لە ئامادەباشیدابن لە گۆڕستانەکان، کە هاوڵاتیان سەردانی گڵکۆی کەسوکاریان دەکەن.

وتیشی هێزێكی دیکەمان داناوە، کە سەرجەمیان بە جلی مەدەنیەوە دەبن، بۆ ناو گەرەکەکانی شاری سلێمانی کە هاوڵاتیان گەشت دەکەن و ماڵەکانیان چۆڵ دەبێت، بۆ پاراستنی ماڵەکانیان لە دزی کردن و هەر رووداوێكی تری نەخوازراو لە ئامادەباشی و گەڕاندا دەبن.

ئاماژەی بەوەشدا، گەشتیارەکان هەمیشە رێزمان لێناون لە کاتی هەر هەڵەیەکیشداهەوڵمانداوە چاوپۆشییان لێ بکەین چونکە گەشتیارە و شارەزا نییە، بەڵام ئەگەر پشێوی و ئاڵۆزی و شەر دروست بکەن قبوڵی ناکەین لە هیچ کەسێک ئارامی شار تێکبدات.

لە کۆتای قسەکانیدا، وێرای پیرۆزبای جەژن سەرکەوت ئەحمەد وتی،" وەک تیمێکی هاوبەش هەریەکە لە تەندروستی و ئاسایش و پۆلیس و بەرگری شارستانی لەرۆژانی جەژندا لە خزمەت هاوڵاتیانداین و دەتوانن پەیوەنیدیمان پێوە بکەن لە زووترین کات دەگەینە شوێنی رووداوەکان .

Copyright 2019 BMC TV. All right reserved

Designed and Developed by AVESTA GROUP