Alternate Text

زۆرترین بینراو

Alternate Text

له‌ بەریتانیا بەهۆی نه‌مانی كارەباوە بۆ ماوەیەک هێڵەكانی گواستنەوه‌ لەکاركەوتن

هەمەرەنگ

بینراو 90

10/08/2019

Alternate Text
+ -

لە شاری لەندەنی پایتەختی بەریتانیا بە هۆی پچڕانی تەزووی كارەباوە بۆ ماوەی یەک کاتژمێر ئاستەنگی هاتووچۆ بۆ دانیشتوانی شارەکە لە چەند ناوچەیەک دروستبوو، هێڵەكانی گواستنەوەش بۆ ماوەیەك پەکیان کەوت.

تۆڕی ووزەی كارەبای بەریتانیا رایگەیاند" بۆ ماوەیەك  تەزووی كارەبا لە چەند ناوچەیەكی بەریتانیا بڕاوە، بەو هۆیەشەوە هێڵەكانی گواستنەوە لە كار كەوتن، راشیگەیاند، تا ئێستا بە ووردی هۆكاری رووداوەكە ئاشکرا نەکراوە، لە هەوڵداین بۆ ئاشكراكردنی هۆكاری پچڕانەکە، بەڵام هۆکارە سەرەتاکان ئاماژە بەوە دەکەن بە هۆی كێشەوە بووە لە تۆڕی دابەشكردنی كارەبای وڵاتدا.

بەرپرسانی بەریتانیاش، پچڕانی كارەبایان  بە زیانێكی گەورە وەسف كردووە، بە تایبەت كە بە هۆیەوە ترافیكەكانی لەندەن لە كار كەوتن بۆ ماوەیەک، ئەوەش قەرەباڵغییەكی زۆری دروست كردووە، شەمەندەفەرەكانیش بۆ ماوەی یەك كاتژمێر وەستاون و گەشتەكانی چەند فڕۆكەخانەیەكیش دوا خراون، كە تێكڕایان زیانێكی زۆریان بە كەرتی گواستنەوەی بەریتانیا گەیاندووە.

Copyright 2019 BMC TV. All right reserved

Designed and Developed by AVESTA GROUP