Alternate Text

زۆرترین بینراو

Alternate Text

پەرلەمانتارێک: بەشێک لە زەوی و موڵکی سلێمانی هەرزانفرۆش دەکرێن

کوردستان

بینراو 268

7 رۆژ پێش ئێستا

Alternate Text


ئەندامێکی پەرلەمانی کوردستان ئاشکرایکرد، لە سەرۆكایەتیی شارەوانیی سلێمانی دا و بۆ رێگریكردن لەو دەڵاڵانەی بە بەرتیل بەشێكی زۆری موڵك و زەوی و زارەكانی سنوری شارەوانییەكە هەڕاج دەكەن و فێڵی یاسایی دەدۆزنەوە بۆ تاپۆكردنیان، تیمێكی ئاسایش لە پرسگەی شارەوانییەكەدا، خەریكی لێكۆڵینەوەی وردە لەو كەسانەی بۆ راییكردنی مامەڵەكانیان سەردانی شارەوانییەكە دەكەن.

مەم بورهان قانع پەرلەمانتاری نەوەی نوێ لە پەرلەمانی کوردستان لە پۆستێکیدا لە تۆڕی کۆمەڵایەتی فەیسبوک بڵاویکردەوە، “ لەسەردانێکمدا رۆژی شەشی مانگ لەسەردانێکمدا بۆسەرۆكایەتیی شارەوانیی سلێمانی و كۆبونەوەم لەگەڵ سەرۆكی شارەوانیی دا، باسم لەو رێوشوێنەی ئاسایش كرد، كە لە پرسگەی سەرۆكایەتییەكەیاندا گرتویەتییەبەر، وەك چۆن پێشتر زانیارییم هەبوو كە بەشێكی مامەڵەكانی كڕین و فرۆشتنی زەوی و زار لە سنوری شارەوانییەكەدا، لەرێی چەند دەڵاڵێكەوە دەكرێن و ئەم كارەیش تێكەڵەیە لە پێدانی بەرتیل بە چەند كەسێك و هەروەها دەستوەردانی كەسانی دەستڕۆیشتوو لەو پرسەدا، هەروەكچۆن "توانا كەمال" سەرۆكی شارەوانیی ئەو راستییەی نەشاردەوە و پێیوتم، بەهۆی تەشەنەسەندنی نایاسایی كڕین و فرۆشتن و بازرگانیكردن بە بەشێكی زەوییەكانی سنوری شارەوانیمان لەلایەن چەند دەڵاڵێكەوە، كە بەشێكی كارەكان پێشتر بە "بەرتیل" و دەستوەردانی كەسانی دەستڕۆیشتو كراون

وتیشی، “داوام لە ئاسایش كرد، لەمبارەیەوە هاوكارمان بێت و لێكۆڵینەوەكانیان بۆ بەرگرتن لەم حاڵەتانە ئەنجامبدەن، وەكچۆن رێوشوێنی راپەڕاندنی كاروبارەكانی مامەڵەكردنمان توندكردوەتەوە و ئەو كەسەی مامەڵەی كڕین و فرۆشتنی زەوی دەكات، دەبێت خاوەنی موڵكەكە بێت، یان بریكارنامەی لەلایەن دادنوسەوە هەبێت.

     
.


روونیشیکردەوە، سەرۆکی شارەوانی ئەوەشی ئاشکراکردووە، بەهۆی گرتنەبەری ئەم رێوشوێنانەوە، ژمارەی دەڵاڵەكان كەمبونەتەوە، بەڵام بە یەكجاریی ریشەكێشنەكراوە.  بەپێویستیشی زانی لەمبارەیەوە  ئێمەی پەرلەمانتاران چاودێرێی وردی ئەم حاڵەتانە بكەین؛ بۆ ئەوەی هەمومان بتوانین رێگریبكەین لە بە تاڵانفرۆشتنی زەوییەكانی شارەوانی و پاراستنی زەویی و سامانی گشتیی، بەرپرسیارێتیی پیشەیی و ئەخلاقیی و یاسایی و نیشتمانییە و دەبێت هەمومان رێگریی لێبكەین”.
 

Copyright 2019 BMC TV. All right reserved

Designed and Developed by AVESTA GROUP