Alternate Text

زۆرترین بینراو

Alternate Text

ماریا ھەورامی بۆ بی ئێم سی: مەلا ھەڵۆ خزمم نییە و داوایی یاسایی لەسەر تۆمار دەکەم

کوردستان

بینراو 10750

14/08/2019

Alternate Text
+ -

دوای ئه‌وه‌ی له‌ چه‌ند رۆژی رابردوودا ماریا هه‌ورامی گۆرانییه‌كه‌ی بڵاوكرده‌وه‌ و كاری ڤیدیۆ كلیپی له‌ شه‌قامی سالم له‌ سلێمانی بۆ ئه‌نجامدابوو، ئه‌مه‌ش بووه‌ جێی باسوخواسی چینه‌ جیاوازه‌كانی كۆمه‌ڵگا و له‌ ناویاندا مامۆستایی دیاریی ئاینی( هه‌ڵۆ حه‌مه‌ره‌شید)بوو كه‌ چه‌ند ووته‌یه‌كی به‌رامبه‌ر ماریا هه‌ورامی و شێوازی كلیپه‌كه‌ی  ده‌ربڕی.

لای خۆیه‌وه‌ له‌ لێدوانێكی تایبه‌تدا ماریا هه‌ورامی به‌ بی ئێم سی راگه‌یاند، ئه‌گه‌ر ئه‌و مامۆستا ئاینییه‌ ره‌خنه‌ی له‌ ئیشه‌كه‌م بگرتایه‌ كه‌ من دروستبكات ئه‌و كات هیچ شتێكم نه‌ئه‌وت، كاره‌كه‌ به‌ شێوه‌یه‌كی كوردییانه‌ كراوه‌ و هیچ له‌ كلتوری كوردی لاینه‌داوه‌.

ماریا هه‌ورامی وتیشی، ئه‌مڕۆ ئه‌و ووتانه‌ی به‌رامبه‌ر من به‌كارهێناوه‌، سبه‌ی به‌رامبه‌ر هونه‌رمه‌ندێكی دیكه‌ به‌كاریده‌هێنێت، ئه‌گه‌ر خۆشم بێده‌نگبم لایه‌نه‌ په‌یوه‌ندیداره‌كان و وه‌زاره‌تی رۆشنبیری له‌و باره‌یه‌وه‌ بێده‌نگ نابێت.

ماریا هه‌ورامی روونیشیكرده‌وه‌، له‌ رێگه‌ی دادگاوه‌ داوایی یاسایی تۆمارده‌كه‌م و هیچ وه‌ڵامێكی ناده‌مه‌وه‌ و چونكه‌ ئه‌و زمانه‌ی ئه‌و به‌كاریهێناوه‌ من ناتوانم به‌و شێوه‌یه‌ جوابی بده‌مه‌وه‌.

له‌باره‌ی داوایی لێبووردنه‌كه‌ی مامۆستا هه‌ڵۆ، ماریا هه‌ورامی جه‌ختیكرده‌وه‌، ئه‌و مامۆستا ئاینییه‌ خزمم نییه‌ و مه‌رج نییه‌ هه‌موو هه‌ورامییه‌ك خزمی یه‌ك بێت و یه‌كه‌م جارمه‌ له‌ هه‌موو ته‌مه‌نمدا ئه‌و كه‌سایه‌تییه‌ ببینم ئه‌ویش دوایی ئه‌وه‌ی ئه‌و قسانه‌ی له‌سه‌ر من كرد.

له‌لایه‌كی دیكه‌وه‌ هەڵۆ حەمە رەشید، مامۆستای ئاینی لە تۆمارێكی دەنگیدا كە لەپەیجی تایبەتی خۆی لەتۆڕی كۆمەڵایەتی فەیسبوك بڵاویكردوەتەوە ئاماژە بەوەدەكات، كاتێك قسەی لەسەر ماریا هەورامی كچە گۆرانیبێژ كردوە لەسەر وتنی گۆرانی لەسەر شەقام لەوەڵامی نامەی كەسێكدا بووە بۆی، باسله‌وه‌ده‌كات،" تۆمارە دەنگییەكە كە وەڵامەكە بوو تایبەت بووەو لەڕێی لەمینبەری مزگەوتەوە نەبووە بۆ رای گشتی نه‌بووه‌، دەربڕینەكەشم شەرعی نەبووە".

روونیشیكردووه‌ته‌وه‌ "داوای لێبوردنم كردوەو هەڵەم كردوەو پەشیمانم و نەدەبوو بەو شێوەیە بەرامبەر ئەو خاتونە هەورامییە قسە بكەم، حەزیشم نەكردوە ئەو بابەتە بڵاوبكرێتەوە".

مەلا هەڵۆ جه‌ختیكرده‌وه‌ "من سوکایەتیم بە هەورامییەکان نەکردووە، چونکە خۆم هەورامیم و ئەو خاتوونەش خزم و كەسی خۆمەو سەردانیشی دەكەم و لەگەڵ خۆی و كەسوكارەكەشی قسە دەكەم، ئەگەر بەوەش رازی نەبوو ئامادەم بڕۆمە بەردەم دادگا".

به‌ڕای به‌شێك له‌ چاودێران، ووته‌كانی مامۆستا هه‌ڵۆ توندن كه‌ به‌رامبه‌ر ئه‌و خاتوونه‌ هه‌ورامییه‌ به‌كاریهێناوه‌ به‌ڵام بەشێك لەرۆژنامەنوس و چالاكەوانان لەبەرامبەر بەرگرییكردن لە ماریا توندتر و رەقتر و زبرتر قسەیان بەو مەلایە ووت.

 

ئ.ر

Copyright 2019 BMC TV. All right reserved

Designed and Developed by AVESTA GROUP