Alternate Text

زۆرترین بینراو

Alternate Text

لە هەولێر چەند قومارخانەیەک داخران

کوردستان

بینراو 474

17/08/2019

Alternate Text
+ -

هیزەکانی ئاسایش لە هەولێر هەڵمەتێکیان ئەنجامدا تییادا ژمارەیەک قومارخانەیان داخست کە لەلایەن چەند چەکدارێکەوە خاوەنداریتی دەکران.

نەبەز عەبدولحەمید، قائیمقامی قەزای ناوەندی هەولێر راگەیاند ،"هەڵمەتێکی گەورە لەلایەن سەرجەم هێزە ئەمنییەکانی ئاسایش، پۆلیس و دەزگای هەواڵگری گشتی کوردستان و دەزگای پاراستنەوە دەستی پێکردووە بە مەبەستی داخستی قومارخانەکانی ناو شاری هەولێر لەماوەی ڕابردوشدا چەندین قومارخانەمان داخستوو".

نەبەز عەبدولحەمید ئەوەشی خستە روو ،"هەندێک قومارخانە هەبون کە خاوەنەکانیان کەسانەی چەکداربون و بە ئاسانی نەتوانراوە قومارخانەکان پێیان دابخرێت، بۆیە لەو هەڵمەتەی ئەو هێزەهاوبەشانەدا ئەو قومارخانانەش داخراون و خاوەنەکانیان ڕووبەڕوی دادگا کراونەتەوە".

قائیمقامی هەولێر ئاماژەی بەوەش کردووە،" هەرچەندە ئامارێکی وردمان لەبەردەستدا نییە بەڵام لەماوەی رابردو نزیکەی 10 قومارخانەمان داخستووە و ئەویش بەوهۆیەی کە سەرجەمیان نایاسایی بون و ئیمەش هیچ یاسایەکمان نییە بۆ ڕێگەپێدان بەکردنەوەی ئەو قومارخانانە هەروەها بەهۆیانەوە چەندین خێزان هەڵوەشاونەتەوە و دەیان کەس مایەپووچ بوون و هەوڵی خۆکوشتنیان داوە".

قائیمقامی هەولێر باسی لەوەشکردووە،" مەترسی ئەو قومارخانە لەوەدا بوە تەنانەت بەشێکیان لە ناو کافتریا و ماڵ و هەندێک شوێنی گەشتیارییدا دانراون و هاوڵاتیان و گەنجانیان بەلای خۆیاندا ڕاکێشاوە".

Copyright 2019 BMC TV. All right reserved

Designed and Developed by AVESTA GROUP