Alternate Text

زۆرترین بینراو

Alternate Text

تەیموری ئەنفال: بێدەنگ نابم لە ئاست شاردنەوەی گۆڕی به‌كۆمه‌ڵی ئه‌نفالكراوان

کوردستان

بینراو 61

پێش 3 هەفتە

Alternate Text
+ -

یه‌كێك له‌ تاقانه‌كانی ئه‌نفال ده‌ڵێت، بێدەنگ نابم لە ئاست بڕیاری بەنهێنی و دوور لە چاوی میدیاکان گۆڕە بە کۆمەڵەکان هەڵبدریتەوە .

تەیمور عەبدوڵا یەکێک لە رزگاربووە تاقانەکانی ئەنفال  لە هەژماری تایبەتی خۆی لە فەیسبووک نوسیویەتی، بەپێی سەرچاوەیەک کە دەستم کەوتوە، بڕیار وایە دەزگای شەهیدانی عێراقی و وەزارەتی شەهیدان و ئەنفال کراوانی هەرێمی کوردستان بەدەر لە یاسا و بێ گوێدانە پێگە و هەستی کەسوکاری سەربەرزی شەهیدان و ئەنفال کراوان بۆ لەمەودوا و بۆ ئەو چەند گوڕە بە کۆمەڵەی لەسەماوە ماوە لەگەڵ هەر گۆڕێکی بە کۆمەڵی تر کە لە داهاتودا دەدۆزرێنەوە، بەنهێنی دور لەچاوی میدیاکان و ڕای گشتی کاری تێدا دەکەن و هەڵیدەدەنەوە و روفاتەکان کۆدەکرێتەوە و بەڵگەی تاوانەکان دەشاردرێنەوە.

تەیمور باس لەوەدەکات، ئەمە نکۆڵی کردنە لە تاوانی ئەنفال و پێچەوانەی یاسا و رێنماییە کارپێکراوەکانی تایبەت بە گۆڕە بە کۆمەڵەکانە و پێچەوانەی سەرجەم بنەماکانی مافی مرۆڤ و پەیماننامە نێودەوڵەتیە کارپێکراوەکانە، وە ئامانج لیێ شاردنەوەی تاوانەکانی رژێمی بەعسی لەناو چووە و هەروەها بچوککردنەوەی تاوانی ئەنفالە.

جەختیشی کردەوە، هەرگیز لەوە بێدەنگ نابم و هەمو ڕێگایەک دەگرمەبەر بۆ رێگری کردن لەو پیلانە.

 لە کۆتاییدا نوسیویەتی، داوا  لە کەسوکاری سەربەرزی شەهیدان و ئەنفال کراوان و رای گستی کوردستان و عێراق و جیهان  دەکەم لەبەرامبەر ئەم پێشێلکاریە بێدەنگ نەبن و هەڵوێستی جدی و مێژوویان بخەنەگەڕ بە پێچەوانەوە مێژوو بێ هەڵوێستی کەس لە یاد ناکات.

Copyright 2019 BMC TV. All right reserved

Designed and Developed by AVESTA GROUP