Alternate Text

زۆرترین بینراو

Alternate Text

ئاگادارییەک لە وەزارەتی خوێندنی باڵاوە بۆ دەرچوانی پۆلی دوانزەی ئامادەیی

کوردستان

بینراو 499

پێش 4 هەفتە

Alternate Text
+ -

وەزارەتی خوێندنی باڵا رایگەیاند، لە سەرەتاى هەفتەى داهاتوەوە دەرچوانى قۆناخى دوانزەى ئامادەیى (خولى یەکەم و دووەم) دەتوانن وشه‌ی تێپه‌ڕو نهێنی (پاسۆرد و یوزه‌رنه‌یم) لە خوێندنگەکانیان وەربگرنەوە.

لە راگەیەندراوێکی وەزارەتی خوێندنی باڵا توێژینەوەی زانستیدا هاتووە (عەباس ئەکرەم) وتەبێژى وەزارەتى خوێندنى باڵا و توێژینەوەى زانستى رایگەیاندووە، "دواى هەوڵەکانى بەڕێوەبەرایەتى گشتى خوێندن و پلاندانان و بەدواداچون لە وەزارەت و ناوەندى وەرگرتنى خوێندکاران، توانرا وشه‌ی تێپه‌ڕو نهێنی (پاسۆرد و یوزه‌رنه‌یم) بۆ سەرجەم دەرچوان ئامادەبکرێت، ئەمڕۆش وشه‌ی تێپه‌ڕو نهێنی (پاسۆرد و یوزه‌رنه‌یم) ره‌وانه‌ی وەزارەتى پەروەردە كرا".

هەروەها وته‌بێژی وه‌زاره‌تی خوێندنی باڵا و توێژینه‌وه‌ی زانستی داوا لە دەرچوانى پۆلی دوانزەى ئامادەیى بەهەردوو خولى یەکەم و دوەم دەکات لە سەرەتاى هەفتەى داهاتوەوە سەردانى خوێندنگەکانیان بکەن بۆ وه‌رگرتنه‌وه‌ی وشه‌ی تێپه‌ڕو نهێنی (پاسۆرد و یوزه‌رنه‌یم)، وتیشی پێویستە دەرچوان بەباشى پاسۆرد و یوزەرنەیمەکانیان بیپارێزن، چونکە دواتر لەڕێگەى ئه‌و (پاسۆرد و یوزەرنەیم)ه‌ دەتوانن (زانکۆلاین) پڕبکەنەوە.

Copyright 2019 BMC TV. All right reserved

Designed and Developed by AVESTA GROUP