Alternate Text

زۆرترین بینراو

Alternate Text

هەدەپە: لەدژی دانانی قەیومەكان چەندین كۆبوونەوەی جەماوەری ساز دەكەین

کوردستان

بینراو 39

پێش 4 هەفتە

Alternate Text
+ -

وتەبێژی هەدەپە لەبارەی دانانی قەیوم بۆ شارەوانییەكانی ئامەد و ماردین و وان رایگەیاند، لە دژی دانانی قەیومەكان چەندین كۆبوونەوەی جەماوەری ساز دەكەین.

گونای كوبیلای، وتەبێژی هەدەپە لە كۆنگرەیەكی رۆژنامەوانیدا كە لە ناوەندی گشتیی هەدەپە سازی كرد ئاماژەی بەوە کرد، "لە سەرتاسەری توركیا، كاردانەوە دژی دانانی قەیوم بۆ سێ شارەوانییەكە، نیشان دراوە و راشیگەیاند، ئاك پارتی و مەهەپە، پەلاماری ئیرادەی گەلیان داوە.

گونای كوبیلای وتیشی، "بەردەوام دەبن لە كاردانەوەكانیان دژی رووداوەكان‌و لەو چوارچێوەیەدا لە وان، ئەدەنە، مێرسین، ئامەد، ئیستەنبوڵ و ئیزمیر، كۆبوونەوەی جەماوەری ساز دەكەن".

سەبارەت بە وتەكانی ئەردۆغان كە وتبووی، لەگەڵ كردنەوەی پەرلەماندا، چەندین دۆسیەیان لەبەردەمدایە و هەموویان تاوتوێ دەكرێن، وتەبێژی هەدەپە رایگەیاند، "ئەردۆغان لەبارەی پەرلەمانتارانی هەدەپەوە فەرمان دەدات، ئەوەش ئاماژەكانی دەستپێكردنی پەلامارێكی دیكەیە بۆ سەر هەدەپە".

Copyright 2019 BMC TV. All right reserved

Designed and Developed by AVESTA GROUP