Alternate Text

زۆرترین بینراو

Alternate Text

چه‌كدارێكی داعش له‌لایه‌ن شه‌ڕڤانانه‌وه‌ ده‌ستگیركرا

جیهان

بینراو 91

پێش 4 هەفتە

Alternate Text
+ -

میدیاكانی بەلجیكا بڵاویانكردەوە، ئەنوەر هدوشی ناسراو بە (جەلادەكەی داعش) كە بەرەگەز بەلجیكییە و ١٠٠ كەسی سەربڕیوە لەلایەن هێزەكانی سوریای دیموكراتیك (هەسەدە)وە دەستگیر كراوە.

لەو بارەیەوە پێگەی De Morgenی بەلجیكی بڵاویكردووەتەوە، "هدوشی كە ناسراویشە بە (ئەبو سلێمان بەلجیكی) لەئێستادا لەیەكێك لە گرتووخانەكانی هەسەدەیە لەباكوری سوریا، تەمەنی ٣٥ ساڵەو پایزی رابردوو لەگەڵ ژنەكەیدا كە ناوی (جولی مایس)ەو تەمەنی ٢٣ ساڵە لەكاتی ئازادكردنی شارۆچكەی باغۆز كە كۆتا مۆڵگەی داعش بوو لەسوریا كەوتنە دەست هێزەكانی هەسەدە".

ئاماژە بەوەشكراوە، "جەلادەكەی داعش تۆمەتبارە بە سەربڕینی زیاتر لە ١٠٠ كەس و تایبەتمەندیەكەی لەناو داعشدا سەربڕین بووەو دانیشتوانی ناچار كردووە سەیری قوربانیەكان بكەن لەكاتی كارەكەی".

باوكی هاوسەرەكەی دەڵێت، "كاتێك بۆ یەكەمجار بینیم سەماكەری (برێك) بوو لە برۆكسل دواتر لەگەڵ ژنەكەیدا لەساڵی ٢٠٠٩ چوونە شاری بێرمینگهامی بەریتانیا و دواتر لەساڵی ٢٠١٤ لەگەڵ هەردوو منداڵەكانیان چوونەتە سوریا".

بەپێی زانیاریەكان ( ئەنوەر هدوشی ) لەماوەی داهاتودا دادگایی دەكرێت و ئەگەر هاتوو نێردرایە عیراق بۆ دادگاییەكەی ئەوا بڕیاری لەسێدارەدانی بۆ دەردەچێت هەروەك چەندین بیانی تر كە پێشتر سزای لەسێدارەدانیان بەسەردا سەپێنرا.

Copyright 2019 BMC TV. All right reserved

Designed and Developed by AVESTA GROUP