Alternate Text

زۆرترین بینراو

Alternate Text

قەرەتەپە... لەئەنجامی تەقینەوەی بۆمبێک حەوت کەس بوونە قوربانی

کوردستان

بینراو 57

پێش 3 هەفتە

Alternate Text
+ -

بەرپرسی کۆمیتەی یەکێتی لە قەرەتەپە رایگەیاند، شەوی رابردوو بەهۆی تەقینەوەی بۆمبێکی چێنراوی چەکدارانی داعش، لەسەر رێگای نێوان قەرەتەپە وجەلەولا سێ سەربازی سوپای عێراق کوژران و فەرماندەیەک و سێ سەربازی دیکەش برینداربوون.

محەمەد عومەر، بەرپرسی کۆمیتەی یەکیتی نیشتیمانی کوردستان لە ناحییەی قەرەتەپە بە تۆڕی میدیایی بینەری راگەیاند، شەوی رابردوو لە نزیک گوندی کەشکۆڵ کە دەکەوێتە سنوری نێوان قەرەتەپە و جەلەولا، بۆمبێکی چێندراو لەسەر رێگاکە بە ئۆتۆمبێلێکی هێزی سوپای عێراق-دا تەقیوەتەوە.

وتیشی، " لە ئەنجامی تەقینەوەکەدا سێ سەرباز گیانیان لەدەستداوە و عەقید ئەرکان و سێ سەربازی تر بریندار بوون، باسی لەوەشکرد برینەکەی عەقید ئەرکان سوکە و مەترسی لەسەر ژیانی نییە".

ئاماژەی بۆ ئەوەشکرد، "لە ناوچەکەدا بەهۆی ئەو بۆشاییە ئەمنییەی هەیە بەردەوام ئەو جۆرە کارانە لە لایەن داعشەوە دووبارە دەبێتەوە".

Copyright 2019 BMC TV. All right reserved

Designed and Developed by AVESTA GROUP