Alternate Text

زۆرترین بینراو

Alternate Text

مه‌لا به‌ختیار: دەبێت یەكێتی، لەیەكێتی رابردووەوە بهێنین بۆ یەكێتی ئەم سەردەمە‌

کوردستان

بینراو 125

پێش 2 هەفتە

Alternate Text
+ -

مەلا بەختیار لە دیدارێکدا بە چەند گەنجێکی راگەیاند، یەكێتییەكان نابێ‌ بێ‌ ئومێدبین‌ و كۆڵبدەین‌ چونکە ئەم سەردەمی ئێستا وەک نەوەی پێش راپەرین نیە و دەبێت یەکێتی بە کۆنگرەیەک گۆرانکاری بکات و ئەم دۆخەی ئێستا بخاتە مێژووە.

ئەمڕۆ مەلا بەختیار لیه‌كێك له‌ سه‌ركرده‌ دیاره‌كانی یه‌كێتی نیشتمانی كوردستان، پێشوازی لەژمارەیەك لەکادری یەكێتی لە رانییە کرد لە گفتوگۆیەكدا رایگەیاند، دەبێت یەكێتی، لەیەكێتی رابردووەوە بهێنین بۆ یەكێتی ئەم سەردەمە‌و ئێستای لەمێژووەكەی جوانتر بكەین، یەكێتی لەكوردستاندا قەرزاری هەندێ‌ ناوچەیە، لەوانە قەرزاری خەڵكی رانیە و دەوروبەرێتی.

لە دیدارەکەدا باسی لەوەش کرد، دیاردەی گەندەڵی، دیاردەیەكی مەترسیدارە سەریهەڵداوە‌و پرسیارەكەش ئەوەیە ئەم حكومەتەی ئێمە بۆ چارەسەری ئەم گەندەڵییە ناكات، لەكاتێكدا حكومەتەكانی جەزائیر، سودان‌ و لیبیا لەسەر گەندەڵی دەڕوخێن، رۆژهەڵاتی ناوەڕاست‌و عیراقیش ئەوە دۆخەكەیەتی كە هەیە‌.

وتیشی، نەوەی دوای راپەڕین‌ و ئێستا، وەكو ئێمە بیر ناكەنەوە، چونكە من ناتوانم دەستبەرداری مێژوو بم ،ناتوانم دەستبەراری مام جەلال بم، ناتوانم دەستبەرداری شەهیدەكان، شەڕو قارەمانێتییەكان بم، بەڵام گەنجێك وەكو من بیر ناكەتەوەو بەڵكو گەنجێك مۆبایلەكەیی‌و فەیسبوكەكەی، بەهیچ شتێكی تر ناگۆڕێتەوە، چونكە مۆبایلەكەیی‌و پەیوەندییەكانی زۆر لاگرنگە، بۆیە ئەم حكومەتە دەبێ‌ لەتێگەیشتنی نەوەی دوای راپەڕینیشەوە بەرنامەی هەبێت.

لەكۆتایی دیدارەكەشیدا، مەلا بەختیار، لێپرسراوی دەستەی كارگێڕی، جەختی كردەوە، یەكێتییەكان نابێت بێ‌ ئومێدبین‌ و كۆڵبدەین‌و دەبێت بە بەرنامەش كەموكوڕییەكانمان بزانین‌و رەخنەكانمان بزانین بۆ ئەوەی كێشەكان چارەسەر بكەین، كە هەموو ئەوانەش بەكۆنگرەی گۆڕانكارییەكان دەكرێت، بۆ ئەوەی یەكێتی، لەیەكێتی رابردووەوە بهێنین بۆ یەكێتی ئەم سەردەمە‌و ئێستای لەمێژووەكەی جوانتر بكەین.  

Copyright 2019 BMC TV. All right reserved

Designed and Developed by AVESTA GROUP