Alternate Text

زۆرترین بینراو

Alternate Text

خالید شوانی: بەدوای چارەسەری گونجاودا دەگەڕێین بۆ کێشەکانی کەرکوک

کوردستان

بینراو 47

پێش 3 هەفتە

Alternate Text
+ -

دوای ئەوەی شاندی دانوستاندنکاری هەرێمی کوردستان لەگەڵ پێکهاتەی تورکمانی کەرکووک کۆبوونەوە و ئەندامێکی شاندەکەش لە کۆنفرانسێکی رۆژنامەوانیدا رایگەیاند، لە کەرکووک کورد و تورکمان رابردوو و داهاتوویان یەکە.

خالید شوانی، وەزیری هەرێمی کوردستان و ئەندامی شاندنی دانووساندکاری هەرێمی کوردستان لەگەڵ پێکهاتەکانی کەرکووک، رایگەیاند، "لەگەڵ هەریەک لە بەرەی تورکمانی و لیستی تورکمانی کۆبووینەوە، سەبارەت بە باروودۆخی ئەمنی و سەربازی و کێشەی زەوی و شێوازی چارەسەرکردنی کێشەکان گفتوگۆمان کرد".

 باسی لەوەشکرد، "جەختمان لەوەکردەوە گفتوگۆ و دانووساندنەکانمان بەردەوامبێت، بەدوای باشترین چارەسەردا بگەڕێین بۆئەوەی سەرجەم ئەو جومگانەی دەسەڵاتەکان بگەین بە شێوەیەکی لەیەکتر تێگەیشتن و تەوافق لەنێوان پێکهاتەکانی کەرکووک بە تایبەتی، کورد و تورکماندا هەبێت، کە رابردوومان زۆر هاوبەشە و داهاتووشمان بەیەکەوەیە".

 لە دوای رووداوەکانی ١٦ی ئۆکتۆبەری ٢٠١٧ بارودۆخی کەرکوک بەردەوام ئاڵۆزو و ناجێگیربووە هەرچەندە راکان جبوری بەوەکالەت پارێزگاری شارەکە بووە.

هەروەها ئەنجومەنی شارەکەش تا ئێستا نەیانتوانییەوە بەهۆی ململانێکانی ناوخۆی لایەنە جیاوازەکانی کەرکوک کۆببنەوە و کێشەکان چارەسەر بکەن.

هەرچەندە لە کۆبوونەوەی ئەمڕۆی شاندی هەرێمی کوردستان لەگەڵ بەرەی تورکمانی، ئاماژەیان بە ناوەڕۆک و بەندی هیچ رێککەوتنێکی نێوانیان نەدا، بەڵام لە کۆنگرەیەکی رۆژنامەڤانیدا لەدوای کۆبوونەوەکە رایانگەیاند، سەرجەم کێشەکانی کەرکووک چارەسەردەکەن.

Copyright 2019 BMC TV. All right reserved

Designed and Developed by AVESTA GROUP