Alternate Text

زۆرترین بینراو

Alternate Text

شاندێکی هاوبەشی هەدەپە و کەجەدە گەیشتنە هەولێر

کوردستان

بینراو 83

پێش 2 هەفتە

Alternate Text
+ -

شاندی باڵای هاوبەشی پارتی دیموکراتی گەلان (هەدەپە) و کەجەدە بەسەرۆکایەتی سەزای تەمەللی هاوسەرۆکی هەدەپە و بەردان ئۆزتورک، هاوسەرۆکی کەجەدە گەیشتە هەولێری پایتەخت.

شاندەکەی باکوری کوردستان کە پێکدێت لە هەریەکە لە سەزای تەمەللی هاوسەرۆکی گشتیی هەدەپە، بەردان ئۆزتورک هاوسەرۆکی گشتی کەجەدە، فاتما کورتولان جێگری گروپی هەدەپە لە پەرلەمانی تورکیا و نەزمی گور، جێگری هاوسەرۆکی گشتی هەدەپە، لەلایەن نەوزاد هادی، پارێزگاری هەولێر و عەلی حسێن، بەرپرسی پەیوەندیەکانی پارتی و نوێنەری هەدەپە لە هەرێمی کوردستان پێشوازی لێکرا.

هاوکات سەزای تەمەللی، هاوسەرۆکی پارتی دیموکراتی گەلان (هەدەپە) دوای گەیشتنی بە شاری هەولێر لە لێدوانێکدا بۆ رۆژنامەنوسان رایگەیاند، دەمێکە دەیانەوێت سەردانی هەرێمی کوردستان بکەین، بەڵام وەک دەزانن دۆخێکی نەخوازراو لە باکوری کوردستان لە ئارادایە بەتایبەت بۆ هەدەپەییەکان کە لە تورکیا لە کێشەدان و ئێستا لە تورکیا دۆخێکی نەرێنی لە ئارادایە.

باسی لەوەشکردووە، "وەکو هەدەپە بەمەبەستی چارەسەرکردنی پرسی کورد و پرسی رۆژهەڵاتی ناوەڕاست دەستپێشخەریمان هەیە و چارەسەریمان هەیە".

سەزای تەمللی باسی لەوەشکردووە، "وەکو دەزانین نێچیرڤان بارزانی، بوەتە سەرۆکی هەرێمی کوردستان و هاتوین پیرۆزبایی لێبکەین و هیوای سەرکەوتن بۆ پەرلەمانی کوردستان بخوازین، دەشمانەوێت سەردانی مەسعود بارزانی بکەین و گفتوگۆ بکەین و راوێژی بکەین".
ئاماژەی بۆ ئەوەشکردووە، "ئێمە خەباتی ئاشتی و دیموکراسی لە تورکیا دەکەین و خەباتی هەدەپە تەنها بۆ تورکیا نیە، بەڵکو سنورەکان تێدەپەڕێنێت".

Copyright 2019 BMC TV. All right reserved

Designed and Developed by AVESTA GROUP