Alternate Text

زۆرترین بینراو

Alternate Text

قوباد تاڵه‌بانی به‌شداری كۆنفرانسی (ئای تۆك)ی كرد

کوردستان

بینراو 153

پێش 3 هەفتە

Alternate Text
+ -

ئه‌مڕۆ حه‌وتی ئەیلولی ٢٠١٩ بۆ یه‌كه‌مجار له‌سه‌رئاستی كوردستان، كۆنفرانسی ئای تۆك (ITALK) به‌ به‌شداریی جیگری سەرۆکی حکومەتی هەرێمی کوردستان له‌ ته‌لاری هونه‌ری شاری سلێمانی ده‌ستیپێكردوو رایگەیاند، من لە ژیانی خۆم سوودم لە ئامۆژگاری چەندین کەسی نزیک و هاورێی خۆم وەرگرتووە.

له‌ كۆنفرانسه‌كه‌دا قوباد تاڵه‌بانی جێگری سه‌رۆكی حكومه‌تی هه‌رێمی كوردستان چه‌ند نموونه‌و وته‌یه‌كی باپیری، مامۆستا ئیبرایم ئه‌حمه‌د ده‌هێنێته‌وه‌ له‌سه‌ر ژیانی خۆی و ئاماژه‌ی بۆ ئه‌وه‌ده‌كات باشترین كار له‌ ژیاندا ئه‌و كاره‌یه‌ كه‌ لێی په‌شیمان نه‌بیت و شه‌و كه‌ سه‌رت كرده‌ سه‌ر سه‌رین نه‌ڵێیت نه‌ده‌بوو ئه‌و كاره‌ بكه‌م.

قوباد تاڵەبانی جیگری سەرۆکی حکومەتی هەرێمی کوردستان، باسی لە ئەزموونی ژیانی خۆی بۆ ئامادەبووان کردوو ئەو کاتەی نوێنەری حکومەتی هەرێمی کوردستان بووە لە ئەمەریکا، "لەسەر هەڵەبجە وتارێکی پێشکەشکردووە لە بینای کۆنگرێس  لە واشنتن لە ساڵی ٢٠٠٨ کە بەشێوەیەکی ئاگرین و تورەییەوە وتارەکەی پێشکەشکردووە لە دوای وتارەکەی هاورێیەکی هاتووە بۆ لای ئامۆژگاریکردووە.

قوباد تاڵەبانی باسی لەوەشکرد، هاورێکەی پێی وتووە، "کە ئەمە خراپترین وتاری بووە، پێویستبوو کە بەشێوازێکی نەرمتر و هێواشتر پێشکەشیکەی، وتی، هاورێکەم پێی وتووم، کەیسی هەڵەبجە خۆی کەیسە، تۆ بەم پێشکەشکردنی وتارە بەوشێوازە نیوەی ئامادەبووان لەدەستدا، پێویستە بەسۆز بیت لە وتاردا، بەلوتف بیت، جێگری سەرۆکی حکومەت وتی من لە ژیانی رۆژانەشمدا سوودم لەو ئەزموونە وەرگرتووە، زۆر جار بۆ ئەوەی شتێک بەدەستبێنیت پێویستە نەرم بیت لە گفتوگۆکردندا".

لە درێژەی قسەکانیدا جیگری سەرۆکی حکومەتی هەرێمی کوردستان ئاماژەی بەوەشکرد، "پێویستە شتەکان گەورە نەکەین، وتی من خۆم لە کاری رۆژانەیە چەند کارێکی قورس دێت بەردەستم کە هەندێک لە شتەکان گەورە ئەکەم ئەڵێم ئەم بەردە زۆر گەورەیە بە من فڕێنادرێت، ئەمەش دەگەڕێتەوە بۆ دوو شت کە تاچەند متمنانەت بە خۆت هەیە، تاچەند راستگۆیت لەو کارەدا کە دەتەوێت بیکەی".

قوباد تاڵەبانی وتیشی، "ئێوەی گەنج ژیانی خۆتان بەدەست خۆتانە، رەنگە لە ژیاندا هەندێک تەنگ وچەڵەمە بێتە بەردەستان بەڵآم هەمووتان خەونی خۆتان بەدەست خۆتانە، دەگەرێتەوە سەر ئەوەی تا چەند ئەو خەونە راستییەو دوورە لە خەیاڵەوە، پێویستە کۆڵ نەدەیت، بە هەموو ئەو تەنگ و چەڵەمەیەوە کە دێتە رێگەتان، ئێوەی گەنج دەتوانن کاریگەریتان هەبێت، کاری منیش هاوکاری کردنی ئێوەیە وەکو حکومەت".

Copyright 2019 BMC TV. All right reserved

Designed and Developed by AVESTA GROUP