Alternate Text

زۆرترین بینراو

Alternate Text

عەلی حەمەساڵح: ماددەیەکی مەترسیدار تێکەڵ بە بەنزین دەکرێت

کوردستان

بینراو 58

پێش 2 هەفتە

Alternate Text
+ -

سەرۆکی فراکسیۆنی گۆڕان لە پەرلەمانی کوردستان رایدەگەیەنێت، مه‌ترسیه‌کی گه‌وره‌ له‌سه‌ر ته‌ندروستی هاوڵاتیانی کوردستان هەیە، ئه‌ویش تێکه‌ڵکردنی کۆندێنسه‌یت و پترۆ کیمیاویه‌ له‌ چه‌ند شوێنێک له‌وانه‌ تانجه‌رۆو فرۆشتنیه‌تی به‌ بەنزین، هۆکاری سه‌ره‌کی دروستبوونی نه‌خۆشی شێرپه‌نجه‌یه‌.

عەلی حەمە ساڵح، سەرۆکی فراکسیۆنی گۆڕان لە پەرلەمانی کوردستان لە نوسراوێکدا لە پەڕەی تایبەتی خۆی بڵاویکردووەتەوە، "دوای وروژاندنی دۆسییه‌ی به‌رهه‌مه‌ نه‌وتییه‌کان و قۆرخکاری، سه‌رۆکایه‌تی ئه‌نجومه‌نی وه‌زیران و وه‌زاره‌تی دارایی بڕیاری به‌دواداچون و هه‌ڵوه‌شاندنه‌وه‌ی هه‌ر بڕیارێکیان داوه‌ بۆ قۆرخکاری و خزمه‌تی یه‌ک کۆمپانیا بێت".

ئاماژەی بەوەشکردووە، "دەبێت ده‌رفه‌تی وه‌ک یه‌ک به‌ هه‌موو کۆمپانیایه‌ک بدرێت، ئه‌و بابه‌تانه‌ش که‌ ئه‌رکی حکومه‌ته‌و داهاتی بۆ حکومه‌ته‌ و دراوه‌ به‌ کۆمپانیا پێداچونه‌وه‌ی بۆ بکرێت و بڕیاره‌کانی به‌ پێی پێداویستی ناوخۆ بێت".

ئاماژەی بەوەشکردووە، "مه‌ترسیه‌کی گه‌وره‌ش له‌سه‌ر ته‌ندروستی هاوڵاتیانی کوردستان هەیە، دۆسیه‌که‌ خراوه‌ته‌ به‌رده‌ست سه‌رۆکی حکومه‌ت، ئه‌ویش تێکه‌ڵکردنی کۆندێنسه‌یت و پترۆ کیمیاویه‌ له‌ چه‌ند شوێنێک له‌وانه‌ تانجه‌رۆو فرۆشتنییه‌تی به‌ بەنزین، هۆکاری سه‌ره‌کی دروستبوونی نه‌خۆشی شێرپه‌نجه‌یه‌ به‌تایبه‌ت له‌ پارێزگای سلێمانی، بۆ ئه‌م مه‌به‌سته‌ش به‌ڵێنی ئه‌وه‌ دراوه‌ رێوشوێنی پێویست بگیرێته‌ به‌ر".

ئەو پەرلەمانتارە نوسیویەتی، سه‌رۆکی حکومه‌تیش رایگه‌یاندووه‌، گه‌نده‌ڵی له‌ که‌س قبوڵنه‌کرێت و ئێمه‌ش چاودێرێکی جدی ده‌بین.

Copyright 2019 BMC TV. All right reserved

Designed and Developed by AVESTA GROUP