Alternate Text

زۆرترین بینراو

Alternate Text

لە تۆڕی میدیایی بینەرەوە پۆستە نوێکەی نەوزاد هادی بزانە

کوردستان

بینراو 1885

پێش 1 هەفتە

Alternate Text
+ -

نەوزاد ھادی رایگەیاند، فرسەت سۆفی كاندیدی پارتی دیموكراتی كوردستانە بۆ پارێزگاری ھەولێر، ھەروەھا پاڵپشتی خۆشی بۆ راگەیاند، ماڵئاوای لە پۆستەکەشی کرد.

نەوزاد هادی، پارێزگاری ھەولێر لە کۆنگرەیەکی رۆژنامەوانیدا رایگەیاند، سوپاسی سەرۆك بارزانی و نێچیرڤان بارزانی دەکەم، كە لە ماوەی رابردوودا متمانەیان پێبەخشیووە و پاڵپشتیان كردووە بۆ ئەمجامدان و جێبەجێكردنی چەندین پڕۆژە لە سنووری پارێزگای ھەولێر.

ئاماژەی بەوەشکرد،  "لە ماوەی ١٥ ساڵی رابردوودا چەندین پڕۆژەمان ئەنجامداوە لەپێناو خزمەتكردن بە خەڵكی سنووری پارێزگای ھەولێر".

باسی لەوەشکرد "كاندیدی پارتی بۆ پۆستی پارێزگاری ھەولێر فرسەت سۆفی-یە، ھیوای سەركەوتنی بۆ دەخوازم و پاڵپشتی تەواوی دەكەم".

وتیشی، لە رۆژە سەختەكاندا بە پاڵپشتی ھەموو لایەك لە شەڕی داعش كە ھەولێر كرایە ئامانج توانیان دۆخەكە تێبپەڕێنن و ئارامی و سەقامگیری ھەولێر بپارێزن.

لە بارەی پۆستی نوێی نەوزاد هادی لە حکومەتدا (بڵند ئیسماعیل) ئەندامی سەرکردایەتی پارتی دیموکراتی کوردستان بە تۆڕی میدیایی بینەری راگەیاند، "بێگومان نەوزاد هادی لە دوای پۆستی پارێزگاری هەولێر پۆستی نوێ وەردەگرێت لە حکومەتدا، بەڵام تا ئێشتا روونییە کە چ پۆستێک وەردەگرێت".

هەروەها بە پێی ئەو زانیارییانەی دەست تۆڕی میدیایی بینەر کەوتووە، نەوزاد هادی وەک راوێژکاری نێچیرڤان بارزانی سەرۆکی هەرێمی کوردستان دەست بەکار دەبێت.

Copyright 2019 BMC TV. All right reserved

Designed and Developed by AVESTA GROUP