Alternate Text

زۆرترین بینراو

Alternate Text

عومەر سەید عەلی وەڵامی بارزانی دەداتەوە

کوردستان

بینراو 2113

پێش 4 هەفتە

Alternate Text
+ -

عومەر سەید عەلی رێکخەری گشتی گۆڕان وەڵامی پیرۆزباییەکەی مەسعود بارزانی سەرۆکی پارتی دیموکراتی کوردستانی دایەوە دوای ئەوەی وەک رێکخەری گشتی بزوتنەوەی گۆران هەڵبژێردرایەوە.

لەنامەیەکدا کە ئاڕاستەی مەسعود بارزانی، کردووە، عومەر سەید عەلی رایگەیاندووە، " زۆر سوپاسی پەیامی پیرۆزبایی‌و هەڵوێستی برایانەتان دەکەم، پشتیوان بە خوای گەورەو ئیرادەی میللەتەکەمان هەوڵبدەین یەکهەڵوێستی هێزە سیاسییەکان دەستەبەر بکەین بۆ ئەوەی هەرێمی کوردستان بگەیەنینە کەناری ئارامی."

رێکخەری گشتی بزوتنەوەی گۆران، داواش دەکات کە پارێزگاری لە مافە دەستوورییەکان بکەن و هەنگاوەکانی چاکسازی بەهێز بکەن.

دەقی وەڵامەکەی رێکخەری گشتی بزووتنەوەی گۆڕان:


برای بەڕێزم کاک مەسعود بارزانی
سەرۆکی پارتی دیموکراتی کوردستان
دوای سڵاو و رێز


زۆر سوپاسی پەیامی پیرۆزبایی‌و هەڵوێستی برایانەتان دەکەم، پشتیوان بە خوای گەورەو ئیرادەی میللەتەکەمان هەوڵبدەین یەکهەڵوێستی هێزە سیاسییەکان دەستەبەر بکەین بۆ ئەوەی هەرێمی کوردستان بگەیەنینە کەناری ئارامی.
هاونیشتمانیان و کەسوکاری سەربەرزی شەهیدان و دۆستەکانمان چاوەڕوانی ئەوەمان لێدەکەن پارێزگاری لە مافە دەستوورییەکان بکەین و لە ناوخۆشدا بە هەنگاوەکانی چاکسازی و دەستەبەرکردنی دادپەروەری هەرێمی کوردستان بەهێز بکەین.

لەگەڵ رێزدا
براتان
عومەر سەید عەلی
رێکخەری گشتی بزووتنەوەی گۆڕان

Copyright 2019 BMC TV. All right reserved

Designed and Developed by AVESTA GROUP