Alternate Text

زۆرترین بینراو

Alternate Text

لە سەر سنوری بەریتانیا هەشت كۆچبەر دەستگیركران

کوردستان

بینراو 238

پێش 3 هەفتە

Alternate Text
+ -

بە گوێرەی هەواڵێكی دەزگای لوتكە، رۆژی شەممەی رابردوو ٢٢ی ئەیلول لەناوچەی (مارگرێتس بەی) سەر بە شاری دۆڤەری ئەو وڵاتە دەستیانگرتووە بەسەر بەسەر بەلەمێكی بچوكدا كە هەشت كۆچبەری تێدابووە.

لەكاتی دەستگیركردنیاندا ئەو گروپە كۆچبەرە خۆیان بە (كورد و ئێرانی و ئەفغانی) ناساندووە، ئەمەش كاتێك لەلایەن فەرمانبەرانی كۆچبەری بەریتانیاوە چاوپێكەوتنیان لەگەڵدا كراوە.

بەپێی راگەیەندراوێكی وتە بێژی وەزارەتی ناوخۆی بەریتانیا ئاماژە بەوەکراوە، "بەلایەنی كەمەوە لە رێكەوتی ٣/١١/٢٠١٨ ەوە، ١٥١٨ كۆچبەر كە نزیكەی ١٠٠ منداڵیان پێبووە، بەكەنداوی ئینگلیزیدا پەڕیونەتەوەو خۆیان گەیاندووەتە بەریتانیا".

وتەبێژەكەی وەزارەتی ناوخۆی بەریتانیا رایگەیاندووە، "كە پەرینەوە بە كەنداوی ئینگلیزدا بە بەلەمی بچوك، زۆر مەترسیدارە، بەڵام ئەو گروپانەی كاری پەرینەوەی كۆچبەران دەكەن، زۆر بێ‌ بەزییانەو بێ‌ گوێدانە مەترسییەكانی ئەو رێگایە كۆچبەران دەكەنە ئەو ئاوەو خەمی ژیان و مەرگی ئەو كەسانەیان نییە".

وتەبێژەكەی بەریتانیا ئەوەشی خستووەتەروو، "كە بۆ رێگریكردن لەم حاڵەتانەو ئەو رێورەوە نایاساییەی كۆچبەران بۆ گەیشتنیان بە بەریتانیا، لەگەڵ پۆلیسی فەرەنسا كارینكردووە تا رێگری بكەن لەو كەسانەو داخستنی ئەم رێگا نایاساییە بە رووی كۆچبەران و رێبەرە نایاساییەكانیاندا".

Copyright 2019 BMC TV. All right reserved

Designed and Developed by AVESTA GROUP