Alternate Text

زۆرترین بینراو

Alternate Text

هۆشیار بیاوێڵەیی: بەمەرگ ژمارە ١ی ئۆتۆمبێلەکەم لێ دەکەمەوە

کوردستان

بینراو 1127

پێش 3 هەفتە

Alternate Text
+ -

شارەزاو خۆبەخشی هەڵگرتنەوەی مین دەڵێت، بەمەرگ تابلۆی ژمارە یەکی (١) ئۆتۆمبێلەکەم لێ دەکەمەوە، ئامادە نیم بەهیچ شێوەیەک ئەوە ژمارەیە لێبکەمەوە.

دوای ئەوەی وەزارەتی ناوخۆی حكومەتی هەرێمی كوردستان بەشێوەیەكی فەرمی نرخی تابلۆی ئۆتۆمبێلەكانی پارێزگای هەڵەبجەی دیاریكرد، بەرێوبەرایەتی هاتوچۆی پارێزگای هەڵەبجە لە ماوەی رابردوودا، نرخی تابلۆی ژمارە (١)ی پارێزگاكەی بە یەك ملیار دینار دیاریكرد، هاووڵاتییەكی عەرەبی عیراقیش ئامادەیی دەربڕیوە ئەو ژمارەیە بە یەك ملیار و ١٠٠ ملیۆن دینار بكڕێت. 

هاووڵاتیانی پارێزگای هەڵەبجە، پێیانوایە دەبێت ئەو ژمارەیە بۆ پارێزگاكە دابنرێت یاخود بدرێت بە هۆشیار بیاوێڵەیی، ئەو پیاوەی هەردوو قاچی لەدەستداوە لەكاتی پوچەڵكردنەوەی رێژەیەكی زۆر مین و تەقەمەنیدا.

لەوبارەیەوە هۆشیار بیاوێڵەیی لە لێدوانێکیدا بۆ تۆڕیی میدیایی بینەر رایگەیاند، "ماوەی ١٤ ساڵە تابلۆی ژمارە یەکی كوردستان هەڵەبجەم داوە لە ئۆتۆمبێلەكەم، ئێستا كە كابرایەكی عەرەب دەیەوێت ئەو ژمارەیە بكڕێت ئەگەر پێی بفرۆشرێت، منیش دەیكەم بە عیراق-هەڵەبجە و هەرگیز لێیناكەمەوە مەگەر بەمەرگ بێت".

وتیشی، "لە ئێستادا ئەو ژمارە یەکی بە ٢٥٠ دیناری عێراقی ناوێت، ئەگەر ئەو ژمارەیەشیان بدایە بە من ئەوا دەمفرۆشتەوەو پارەکەییم بۆ خزمەتی خەڵکی هەڵەبجە سەرف دەکرد".

هۆشیار بیاوێڵەیی، ئاماژەی بەوەشکرد، "من کاندید کراوم بۆ خەڵاتی نۆبڵ، لەسەر ئەوەی توانیومە دوو ملوێن و ٦٥٠ هەزار مین هەڵبگرمەوە، لە ئێستادا سەرجەم نووسرواکانم و ئەرشیفەکانم ئاڕاستە کردووە چاواروانی وەڵامم".

لەسەر بوونی ئاماری ناڕاست کە لە ماوەی رابردوودا باس لەوە دەکرا کە ئەو ئامارانە ناڕاستن کەسێک بەتەنیا ناتوانێت ئەو ژمارە زۆرەی مین هەڵبگرێتەوە، هۆشیار بیاوێڵەیی بە (بی ئێم سی) وت، "هەرکەسێک باوەر ناکات دەتوانێت بێت سەردانم بکات تا پیشانی بدەم، راستییەکان ببینێت".

ماوەی (٢٣) ساڵە بەخۆبەخشی کاری هەڵگرتنەوەی مین لەناوچە جیاجیاکانی کوردستاندا دەکات، هەر بەهۆی هەڵگرتنەوەی مینەوە هەردوو قاچی لەدەستداوەو تائێستا توانیویەتی (٥٤٠) هەزار دۆنم زەی لەمین پاکبکاتەوەو، جگە لەو دوو مینەی بەقاچیدا تەقیوە وەکو خۆشی دەڵێت: (نزیکەی (٣) ملیۆن مینی هەڵگرتۆتەوە)، هەر بەهۆی ئەو کارە مرۆڤدۆستانەی چەندین شوێن لەکوردستاندا کراوە بەناوییەوە.

لە ئێستاشدا لە گوندی بیاوێڵە دەژی چوار كیلۆمەتر لە باكوری شاری هەڵەبجە، ماڵەكەی خۆی كردوە وەك مۆزەخانەیەكی مین کە چەندین مینی جۆراو جۆری داناوە.

Copyright 2019 BMC TV. All right reserved

Designed and Developed by AVESTA GROUP