Alternate Text

زۆرترین بینراو

Alternate Text

بەبەشداری ٦٥٨ تیم نزیکەی ٢٥٣ هەزار منداڵ دەکوترێت

کوردستان

بینراو 622

پێش 3 هەفتە

Alternate Text
+ -

بەڕێوەبەرایەتی چاودێری تەندروستی سلێمانی لە نوسراوێکدا رایگەیاند، "هەڵمەتی کوتان دژی نەخۆشی ئیفلیجی منداڵان بە بەشداری ٦٥٨ تیم دەستپێدەكات و نزیکەی ٢٥٣ هەزارمنداڵ دەکوترێت.
 
چاودێری تەندروستی سلێمانی رایگەیاند، "هاوڵاتیانی پارێزگاکانی (سلێمانی -هەڵەبجە ) و دەڤەری گەرمیان و راپەرین و کەمپەکانی (باریکە- ئاشتی- عەربەت –تازەدێ- قۆرەتوو ) ئاگاداردەکەینەوە کە هەڵمەتێکی نیشتیمانی کوتان دژی نەخۆشی ئیفلیجی مندالان جێبەجێ دەکەین بەهاوکاری ڕێکخراوی تەندروستی جیهانی و ڕێکخراوی یونسێف".

باس لەوەشکراوە، "هەڵمەتەكە لە رۆژی یەكشەممە ٢٩/٩/٢٠١٩ تاوەکو ٣/١/٢٠١٩ بۆ ماوەی پێنج رۆژ بەڕێوەدەچێت و داوای لە هاوڵاتیان كردووە هاوکاری تیمەکانمانی هەڵمەتی کوتان بکەن.


چاودێری تەندروستی سلێمانی ئاماژەی بەوەشکردووە، "ئەم هەلمەتە هەمو ئەو منداڵانە دەگرێتەوە كەتەمەنیان خوار پێنج ساڵە، ئەگەر چەند جاریش كوتانی بۆ كرابێت یان سەرە كوتانیشی بێت، بۆیە تكایە منداڵەكانتانی لێ بێبەش مەكەن لەرێگەی تیمە گەرۆك و جێگیرەكانمانەوە لە بەرێوەبەرایەتی گشتی تەندروستی (سلێمانی – هەڵەبجە - گەرمیان - راپەرین ) و بە رێوەبەرێتی تەندروستی چەمچەماڵ و بەڕێوەبەرێتیەكانی خۆپاراستنی تەندروستیەوە سەرپەرشتی دەكرێت".

Copyright 2019 BMC TV. All right reserved

Designed and Developed by AVESTA GROUP