Alternate Text

زۆرترین بینراو

Alternate Text

هاتوچۆی سلێمانی تەنیا لەیەك حاڵەتدا رێگا بە تەماشاكردنەوەی وێنەی سەرپێچییەكان دەدات

کوردستان

بینراو 634

پێش 3 هەفتە

Alternate Text
+ -

لێپرسراوی هۆبەی كامێراكان لەبەڕێوەبەرایەتی هاتوچۆی سلێمانی رایدەگەیەنێت، هاتوچۆی سلێمانی تەنیا لەیەك حاڵەتدا رێگا بە تەماشاكردنەوەی وێنەی سەرپێچییەكان دەدات، ئەویش تەنها ئەو شۆفێرانەی ئۆتۆمبێلەكانیان بە ناوی خۆیانەوەیە.

ئاكام عەلی عومەر لێپرسراوی هۆبەی كامێراكان لەبەڕێوەبەرایەتی هاتوچۆی سلێمانی رایگەیاندووە، "پێشتر چەند كێشەیەك بەهۆی تەماشاكردنەوەی وێنەی سەرپێچییەكان دروست بوون، بۆیە هاتوچۆی سلێمانی تەنیا لەیەك حاڵەتدا ڕێگا بە تەماشاكردنەوەی وێنەی سەرپێچییەكە دەدات، ئەویش ئەو شۆفێرەی داوای بینینەوەی وێنەكە دەكات، ئۆتۆمبێلەكە بەناوی خۆیەوە بێ".

ئاماژەی بەوشکرد، "بەهیچ شێوەیەكیش وێنەكە نادرێتەوە بەو شۆفێرەی تەماشای وێنەكەی كردووە هەرچەندە ئۆتۆمبێلەكەش هی خۆی بێت.

وتیشی، "ئەو شۆفێرەی گومانی هەیە و دەیەوێت وێنەی سەرپێچییەكەی لەسەری تۆماركراوە ببینێتەوە، دەبێت بەرلەوەی پارەی سەرپێچییەكە بدات داوای بینینەوەی وێنەكە بكات، نەك بە پێچەوانەوە".

Copyright 2019 BMC TV. All right reserved

Designed and Developed by AVESTA GROUP