Alternate Text

زۆرترین بینراو

Alternate Text

مەحمود سەنگاوی هۆکاری زیادبوونی جموجۆڵەکانی داعش ئاشکرادەکات

کوردستان

بینراو 171

پێش 3 هەفتە

Alternate Text
+ -

لە ئێستادا جمجۆڵ و چالاکییەکانی داعش لە ناوچە کێشە لەسەرەکان بەشێوەیەکی بەرچاو زیادی کردووە، بەرپرسی میحوەری گەرمەسێری یەکێتیش هۆکارەکەی بۆ بێتوانایی هێزە عێراقییەکان لە ناوچەکەدا دەگێڕێتەوە.

لە بارەی زیادبوونی چالاکییەکانی داعش لە ناوچە کێشە لەسەرەکان مەحمود سەنگاوی، بەرپرسی میحوەری گەرمەسێری یەکێتی بە تۆڕی میدیایی بینەری راگەیەند، "هۆکاری زیادبوونی چالاکییەکانی داعش لە ناوچە کێشە لەسەرەکان دەگەرێتەوە بۆ بێتوانای سوپای عێڕاق لە ناوچەکە و هاوکاری نەکردنی سوپا لە لایەن خەڵکی ناوچەکەوە".

ئاماژەی بۆ ئەوەشکرد، سوپایی عێراق ئەوەی نەیەتە بردەستیان بەدوایدا ناگەڕێن و تا زۆریان بۆ نەهێنن هیچ پەرچەکردارێک ئەنجام نادەن لە دژیان.

ئەوەش لە کاتێکدایە، داعش لە ناوچەکەدا بەردەوام چالاکی ئەنجام دەدەن دژی سوپای عێراق و گوند نشیینەکانی ناوچەکە، هاوکات شەوی رابردوو چەکدارانی داعش هێرشیان کردە سەر پاسەوانی سنوری عێراق و لە ئەنجامی رووبەڕوو بوونەوەی نێوانیان سێ هاوڵاتی گوندی میرخاسی سەر بە قەزای خانەقین گیانیان لەدەستدا.

شایەنی باسە، لەدوای رووداوەکانی ١٦ ئۆکتۆبەر ناوچە کوردستانییەکانی دەرەوەی ئیدارەی هەرێم لە رووی ئەمنییەوە ئەرکی پاراستنیان کەوتە دەستی سوپای عێراقەوە، لەم دوایانەشدا چالاکی داعش لەوناوچەنەدا زیادی کردووە.

Copyright 2019 BMC TV. All right reserved

Designed and Developed by AVESTA GROUP