Alternate Text

زۆرترین بینراو

Alternate Text

ئیستەنبوڵ لە ژێر مەترسیدایە

ڕۆژهەڵاتى ناوەڕاست

بینراو 357

پێش 2 هەفتە

Alternate Text
+ -

دوای ئەو زنجیرە یەک لەدوای یەکەی تورکیای گرتەوە، لە ئێستادا شارەزایانی جیۆلۆجی لەئیستەنبوڵ پێشبینی دەکەن بەمزوانە بومەلەرزەیەكی وێرانكەر روبەرووی پارێزگای ئیستەنبوڵ ببێتەوە.


زانکۆی تەكنەلۆژیای ئیستەنبوڵ لە تورکیا، بە پشتبەستن بە کۆمەڵێک کەسایەتی ئەكادیمی و شارەزای جیۆلۆجی لەزانكۆکەدا، بەیاننامەیەکی هۆشدارییان دەربارەی بومەلەرزەکانی ئەم دواییەی ئیستەنبوڵ بڵاوکردەوە.

لەبەیاننامەکەدا هاتووە، "بە پشتبەست بە بەڵگەی زانستی و لێكۆڵینەوە جیۆلۆجی و جیۆدیسی و بومەلەرزەییەكانی زانکۆی تەکنەلۆژیای ئیستەنبوڵ، دوابەدوای بومەلەرزەکانی ئەم هەفتەیە کەسەرجەمیان لەناو دەریاوە سەرچاوەیان گرتبوو، پێشبینی دەکەن کە لەداهاتوویەکی نزیکدا لەقوڵایی دەریای مەڕمەڕەوە بومەلەرزەیەكی زۆر بەهێز و گەورە روبدات و راستەوخۆش کاریگەری بکاتە سەر ئیستەنبوڵ، بۆیە پێویستە ئامادەكاری بۆ روبەڕووبونەوەی ئەو بومەلەرزە گەورەیە بگیرێتەبەر."

هۆشداری ئەم کۆمەڵە کەسایەتی و ئەكادیمی و شارەزای جیۆلۆجییە لەکاتێکدایە کە لەماوەی سێ رۆژی رابردوودا، چوار بومەلەرزەی بەهێز پارێزگای ئیستەنبوڵیان هەژاندووە و ترسێکی گەورەی لەدڵی هاوڵاتیانی ئەو پارێزگایەدا دروستکردووە، بەڵام شارەزایان پێیان وایە هێشتا بومەلەرزە بەهێزەکە روینەداوە و ئەگەری رودانی نزیکە.

رۆژی پێنج شەممەی رابردوو، بومەلەرزەیەک لە قوڵایی زیاتر لە (١٢) كیلۆمەتر لەناو دەریای مەڕمەڕە، بەگوری (٥.٧) پلەی رێختەر، لە دوری (٧٠) كیلۆمەتر لەرۆژئاوای شاری ئیستەنبوڵ رویداو تەواوی پارێزگاکەی هەژاند. لە ئەنجامدا (٤٧٣) باڵەخانەی ئەو پارێزگایە زیانیان بەرکەوت و (٣٤) هاوڵاتیش بریندار بون. دواین بومەلەرزەش سەعات (٢:٠٠)ی پاشنیوەڕۆی ئەمڕۆ لەناوجەرگەی دەریای مەڕمەڕەوە رویدا و بەگوڕی (3.8) پلەی رێكختەر، پارێزگای ئیستەنبوڵی هەژاند.

Copyright 2019 BMC TV. All right reserved

Designed and Developed by AVESTA GROUP