Alternate Text

زۆرترین بینراو

Alternate Text

سلێمانی.. كارگەیەكی شیرینی داخرا

کوردستان

بینراو 801

پێش 2 هەفتە

Alternate Text
+ -

بەهۆی پاپەند نەبوون بە مەرج و رێنماییەكانی كاركردن، لیژنە هاوبەشەكان كارگەیەكی دروستكردنی شیرینی دادەخات تائەوكاتەی سەرجەم مەرجەكان جێبەجێ دەكات.

قائیمقامی سلێمانی لە راگەیەندراوێكدا كەوێنەیەكی دەست تۆڕی میدیایی بینەر گەێشتووە رایگەیاند، بەهۆی پابەندنەبوونی بەمەرج و رێنماییە‌كانی كاركردن بەگشتی و بەتایبەت تەندروستییەكان و هەبوونی ژمارەیەكی زۆر مێروو لەناوكارگەكەدا، لیژنەی یەكی سەربەلیژنە هاوبەشەكانی قائیمقامیەت لە ناوبازاڕی شاری سلێمانی كارگەیەكی شیرینی رۆزی دادەخات.

لەكاتی سەردانی لیژنەكە بۆ كارگەی شیرینی رۆزی و پشكنین بۆ بەرهەمه ‌دروستكراوەكانی، دەركەوتووە خاوەن كارگەكە كەمتەرخەمی لە بەڕێوەبردنی شوێنەكەیدا كردووە و‌ پابەندی‌ مەرجەكانی كاركردن، بەتایبەت تەندروستی نەبووە‌.

بەپێی راپۆرتی لیژنەكە، هەبوونی ژمارەیەكی زۆر مێروو لەشوێنەكه، لەسەرپێچییەكانی كارگەی شیرنی رۆزی-ن هەروەها بەهۆی سەربەتاڵی و دانەپۆشینی شیرینیەكانەوە‌ ‌ ‌مێرووەكان چونەتە ناوشیرینیەكەوه، بەمەش پاكوخاوێنیان لەدەست داووەو شیاوی خواردن نین.

لەگەڵ هەبوونی بڕێكی زۆر پاشماوەی جگەرە لەناو كارگەكەدا یەكێكی ترە لەسەرپێچیەكانی ئەوكارگەیە‌، كەدەردەكەوێت لەناوكارگەكە جگەرە كێشرا بێت، رێنماییە تەندروستیەكان جەخت لە پاكوخاوێنی و پابەندبوونی ئەوشوێنانە بەمەرجەكانی تەندروستی دەكەنەوە كە خواردن و خواردنەوە تیایدا ئامادەدەكرێت، بەپێچەوانەوە شوێنەكە و خاوەنەكەشی روبەروی رێكاری یاسایی دەكرێتەوە.

بەفەرمانی قائیمقامی سلێمانی و لەلایەن لیژنەهاوبەشەكانەوە كارگەی شیرینی رۆزی‌ دادەخرێت تائەوكاتەی پابەندی سەرجەم مەرج و رێنماییەكانی كاركردن دەبێت و خاوەنەكەشی روبەروی رێكاری یاسایی دەكرێتەوە.

 
 

Copyright 2019 BMC TV. All right reserved

Designed and Developed by AVESTA GROUP