Alternate Text

زۆرترین بینراو

Alternate Text

وەزیری دادی هەرێم سکاڵای دژی سەرۆکی پەرلەمانی عێراق تۆمارکرد

کوردستان

بینراو 102

پێش 2 هەفتە

Alternate Text
+ -

وەزیری دادی هەرێم سکاڵای لە دژی محمەد حەلبوسی، سەرۆکی پەرلەمانی عێراق تۆمارکرد، بە مانجی رەتکردنەوەی یاسای ژمارە ١٤ی ساڵی ٢٠١٩ یاسای ھەمواری یەكەمی یاسای ھەڵبژاردنی ئەنجوومەنی ئەو پارێزگا و قەزایانەی لەناو ھەرێمێكدا رێكنەخراون

لە رۆژی ٢٤ی ئەیلولی ٢٠١٩ فرسەت ئەحمەد،  وەزیری دادی ھەرێمی كوردستان سكاڵایەکی لە دژی محمەد حەلبوسی سەرۆکی پەرلەمانی عێراق لەڕێگەی وەكیلی یاسایی خۆیەوە رەوانەی دادگەی باڵای فیدراڵی لە بەغدا كردووە.

فرسەت ئەحمەد لە سکاڵاکەدا  باسی لەوە کردووە کە ئەو ھەمواركردنە بەتاڵە، چونكە سەرۆكی ئەنجوومەنی نوێنەرانی عێراق یاسای ژمارە ١٤ی ساڵی ٢٠١٩ی داناوە كە ماددەكانی ئەو یاسایە دژبەیەكە لەگەڵ حوكمەكانی دەستوور و بنەماكانی ھەڵبژاردنی گشتی و بنەما دیموكراتییەكان و ئەو مافە بنچینەییانەی كە لە دەستووردا ھاتوون، ئەمەش وادەكات یاسای ھەمواركردنەوەكە ژمارە ١٤ ی ساڵی ٢٠١٩ بەتاڵ ببێت و رەتکردنەوەکەی ببێتە كارێكی پێویست بە پێی حوكمەكانی مادەی ١٢ی دەستوور .

ئەوەش لە کاتێکدایە، لەبەر رۆشنایی ئەو ماددە دەستورییەدا، وەزیری دادی ھەرێمی كوردستان لە هەشت خاڵدا بەڵگە یاساییەكانی بۆ نادەستووریبوون و ناقانوونیبوونی ئەو یاسای ھەمواركردنەوەیە خستووەتەڕوو.

Copyright 2019 BMC TV. All right reserved

Designed and Developed by AVESTA GROUP