Alternate Text

زۆرترین بینراو

Alternate Text

پۆلیسى سلێمانى: ١٢ تۆمەتبار بە تۆمەتى لەشفرۆشى دەستگیرکراون

کوردستان

بینراو 781

پێش 2 هەفتە

Alternate Text
+ -

وتەبێژى پۆلیسى پارێزگاى سلێمانى تەنها لەماوەى یەک مانگدا لە سلێمانى و قەزا و ناحیەکانى ١٢١٢ کەس دەستگیرکراون و روبەڕووى دادگا کراونەتەوە، ١٢ تۆمەتباریش لەوانە بەتۆمەتى لەشفرۆشى دەستگیرکراون.

نیوەڕۆى ئەمڕۆ چوارشەممە، نەقیب سەرکەوت ئەحمەد وتەبێژى پۆلیسى سلێمانى لە کۆنگرەیەکى رۆژنامەوانیدا ئامارى دەستگیرکراوانى مانگى رابردوى رایگەیاند و وتی، "تەنها لەماوەى (٣٠) رۆژى مانگى ئەیلولدا (١٢١٢) تۆمەتبار لەسەر کەیسى جیاواز لە سلێمانى و سەرجەم قەزا و ناحیەکانى دەستگیرکراون".

راشیگەیاند، "هێزەکانى پۆلیس لەناو شار و سەرجەم قەزا و ناحیەکان، ئەو تۆمەتبارانەیان دەستگیرکردووە کە تۆمەتبارن بە کارى دزى و هەندێکیان لەکاتى دزیکردندا دەستگیرکراون، هاوکات شەش کەس لەسەر دۆلارى ساختە دەستگیرکراون، ژمارەیەک لەو تۆمەتبارانەى دەستگیرکراون سەرانەیان وەرگرتوە و هەڕەشەیان لە دوکاندار و بەڵێندەران کردوە و (١٢) تۆمەتباریش بەتۆمەتى لەشفرۆشى دەستگیرکراون".

سەرکەوت ئەحمەد ئاماژەى بەوەشکرد، "ئامانجیان لە بڵاوکردنەوەى ئەو ژمارانە بۆ ترساندنى هاوڵاتیان و نیشاندانى زۆریى ژمارەى روداوەکان نییە، بەڵکو "مەبەستمان ئەوەیە نیشانى بدەین کە پۆلیس بە هاوکارى سەرجەم هێزە ئەمنییەکان ئارامى دەپارێزێت و تۆمەتباران دەستگیر دەکات".

Copyright 2019 BMC TV. All right reserved

Designed and Developed by AVESTA GROUP