Alternate Text

زۆرترین بینراو

Alternate Text

وەزیری خوێندنی باڵا: بەرهەمەکانی دکتۆر عیزەدین مستەفا بە بەرزی دەمێنێتەوە

کوردستان

بینراو 86

پێش 2 هەفتە

Alternate Text
+ -

وەزیری خوێندنی باڵا بۆ کۆچی دوایی دکتۆر عێزەدین مستەفا رەسوڵ نوسیویەتی، پرۆفیسۆر دکتۆر عێزەدین یەکێک بوو لەو زانستخوازە ماندوانەى تێکۆشانێکى بەرزو پڕ بایەخیان هەبووە لەبوارى توێژینەوەو داهێنان، لەمێژووى پڕ نووسین و داهێنان و خزمەتکردنیش بە توێژینەوەى زانستى خاوەنى ٨٦ بەرهەمی ناوازەیە.

ئارام محەمەد، وەزیری خوێندنی باڵاو توێژینەوەی زانستی لە پەیامێکدا بۆ کۆچی دوایی پرۆفیسۆر دکتۆر عێزەدین موستەفا رەسوڵ لە پەڕەی تایبەتی خۆی لە تۆڕی کۆمەڵایەتی فەیسبوک نوسیویەتی، بە نیگەرانییەکى قوڵەوە باوەڕ بەوە دەهێنین کە مامۆستاو زاناى گەورەى گەلەکەمان پرۆفیسۆر (د.عيزەدین مستەفا رەسول) بۆ هەتایە جێى هێشتین، بەڵام هەمیشە بەرهەمە نوسراوەکانى و توێژینەوە پر بایەخ و بەنرخە زانستیەکانى لاى ئێمەو ئەکادیمیست و مامۆستیان و خوێندکاران بەبەرزى دەمێننەوە.

ئاماژەی بۆ ئەوەشکردووە، پرۆفیسۆر (د.عيزەدین مستەفا رەسول) یەکێک بوو لەو زانستخوازە ماندوانەى تێکۆشانێکى بەرزو پڕ بایەخیان هەبووە لەبوارى توێژینەوەو داهێنان، لەمێژووى پڕ نووسین و داهێنان و خزمەتکردنیش بە توێژینەوەى زانستى خاوەنى ٨٦ بەرهەمی ناوازەیە، بەو بۆنەیەش و بەمەبەستى راگەیاندنى ماتەمینى بۆ کۆچى دوایى مامۆستاو زاناى گەورەى گەلەکەمان، وەزارەتەکەمان ڕێوڕەسمێکى ماتەمینى ڕێکخست و بەفەرمى پرسەى ماتەمینى لەسەرجەم دامەزراوەکانى خوێندنى باڵا لە کوردستان رادەگەیەنێت.

لە کۆتایی پەیامەکەیدا نوسیویەتی، لەخوداى گەورە داواکارین سەبورى هەموو لایەکمان بدات و ڕۆحى مامۆستاو زاناى کۆچکردو بەبەهەشتى بەرین شاد بکات.

Copyright 2019 BMC TV. All right reserved

Designed and Developed by AVESTA GROUP