Alternate Text

زۆرترین بینراو

Alternate Text

پەرلەمانتارێکی کورد: ئێمە پشتیوانی حکومەتەکەی عەبدولمەهدین

عێراق

بینراو 58

پێش 2 هەفتە

Alternate Text
+ -

بڕیارە ئەمڕۆ پەرلەمانی عێراق کۆببێتەوە، بۆ گفتوگۆکردن و وەڵام دانەوەی داواکاری خۆپیشاندەران، بەڵام پەرلەمانتارانی کورد ئامادەی دانیشتنەکەی پەرلەمان نابن و بڕیاریاندا تا دۆخەکە ئاسایی نەبێتەوە نەگەڕێنەوە بەغدا.

 

رێبوار تەها، ئەندامی پەرلەمانی عێراق لەسەر فراکسیۆنی یەکێتی، لە بارەی ئامادە نەبوونی پەرلەمانتارانی کورد لە دانیشتنی ئەمڕۆی پەرلەمانی عێراق بە تۆڕی میدیایی بینەری رایگەیاند، "دۆخی بەغدا لە ئێستادا لە رووی ئەمنییەوە جێگیر نییە  و جگە لەوەش بەر چاو روونی نییە لەبەردەم پەرلەمان تارانی کورد کە ئایا ئەجێندای ئەو کۆبوونەوەیە بە چ ئاراستەیەکدایە".

 

باسی لەوەشکرد، کێشەی ئەوە خەڵکەی هاتونەتە سەر شاقام، کێشەیەک نییە لە شەو و رۆژێکدا رووی دابێت بەڵکو کۆمەڵێک کێشەی کەڵەکەبووی حکومەتەکانی پێشووە، وەک خراپی باری ئابوری خەڵک و کێشەی کەمی هەلی کار و کێشەی کەمی خزمەتگوزاری و چەندین کێشەی ترە.

 

ئاماژەی بەوەشکرد، ئێمە نامانەوێت ببینە بەشێک لە بەنجکردن و سڕکردنی ئەو خۆپیشاندانانە، دەمانەوێت حکومەت بەرنامەیەکی تێرو تەسەلی چاکسازی باش ئامادە بکات و بینێرێتە پەرلەمان و پەرلەمانیش ئەوکاتە دانشتنی لەسەر بکات و پەسەندی بکات.

 

لە بارەی ئەوەش کە دەڵێن نە گەڕانەوەی پەرلەمانتاران بۆ بەغدا جۆرێکە لە پشتکردنە عەبدولمەهدی ئەو ئەندام پەرلەمانەی فراکسیۆنی یەکێتی رایگەیاند، ئەوە راستنیە و ئێمە پشتیوانی حکومەتەکەی عەبدولمەهدین، ئەو رووداوانەش دەگەڕێتەوە بۆ ئەو کێشەکەڵەکە بوانەی حکومەتەکانی پێشوو کە چارەسەرنەکراون و کێشەکان هی سەردەمی عەبدولمەهدی نییە.

 

وتیشی، ئێمە نامانەوێت حکومەتەکەی عەبدولمەهدی لە قەیراندا بمێنێتەوە و دەمانەوێت بەرنامەیەکی چاکسازی باش لە حکومەتەوە بێت، ئێمەش لە پەرلەمان پشتیوانی لێدەکەین.

 

ئەوەش لە کاتێکدایە ماوەی چەند رۆژێکە خۆپیشاندان لە بەغدای پایتەخ و جەنشارێکی تری عێراق دەستی پێکردووە و خۆپیشاندەران داوای باشکردنی گوزەرانیان و لە رێگای رەخساندنی هەلی کار زیاتر و خزمەتگوزارییە سەرەتاییەکان دەکەن، بەو هۆیەشەوە تا ئێستا بە دایان کەس کوژراون و نزیکەی دوو هەزاریش برینداربوون.

Copyright 2019 BMC TV. All right reserved

Designed and Developed by AVESTA GROUP