Alternate Text

زۆرترین بینراو

Alternate Text

ئەنجومەنی وەزیرانی عێراق چەند بڕیارێکی گرنگی دەرکرد

عێراق

بینراو 1057

06/10/2019

Alternate Text
+ -

دوای کۆبوونەوەی بەپەلەی نائاسای ئەنجومەنی وەزیرانی عێراق سەبارەت بە خۆپیشاندان و ناڕازیەکان و چەند بڕیارێکی گرنگیان دەرکرد و لەوانەش دابینکردنی ١٧ هەزار زەوی نیشتەجێبوون و رەخساندنی هەلی کار بۆ هاوڵاتیان .  


دوای تێکچوونی باردۆخی عێراق و دروستبوونی ناڕەزایی و خۆپیشاندان ئەنجوومەنی وەزیرانی عێراق کۆبوونەوەیەکی نا ئاساییان رێکخست و بۆ هێورکردنەوەی هاوڵاتیان چەند بڕیارێکیان دەرکرد. 


 ئەنجوومەنی وەزیرانی عێراق بڕیاریاندا " بەدابینکردنی ١٧ هەزار زەوەی نیشتەجێبوون بەسەر هاوڵاتیان و دروستکردنی ١٠٠ هەزار یەکەی نیشتەجێ بوون و پێدانی موچەی مانگانە بە ئەو کەسانی بێکارن".


کۆبوونەوەکە بە سەرکردایەتی عادل عەبدولمەهدی بەڕێوەچوو و رایانگەیاند" لەقۆناغی داهاتوو دەرگای ناو تۆمارکردن بەسەر هاوڵاتیان دەکرێتەوە و هەموو هاوڵاتیانی پارێزگاکانی عێراق دەگرێتەوە، هاوکات ئەنجوومەنی وەزیرانی عێراق بڕیاری ئەوەشیدا وەزارەتی بەرگریی لە بەرواری ١٥ـی ئەم مانگەوە دەرگای خۆبەخشی بۆ گەنجان لە تەمەنی ١٨ ساڵی بۆ ٢٥ ساڵی بکاتەوە ".


 یەککی دیکە لە بڕیارەکانی ئەنجومەنی وەزیران بەڵێنی دا جێبەجێی بکات ئامادەکردن و جێبەجێکردنی بەرنامەی نیشتمانییە بۆ نیشتەجێبوون کە دروستکردنی ١٠٠ هەزار یەکەی نیشتەجێبوون لە هەموو پارێزگاکاندا لەخۆدەگرێ و بەڕێگەی سندووقی نیشتەجێکردن و لە بودجەی ٢٠٢٠ دا قەرزی بێ سوو دەدرێتە هاووڵاتیان بۆ دروستکردنی یەکەی نیشتەجێبوون.


 ئەنجوومەنی وەزیران بڕیاری ئەوەشیان داوە بۆ سێ مانگ بڕی ١٧٥ هەزار دینار وەک مووچەی مانگانە بداتە ١٥٠ هەزار بێکار کە توانای کارکردنیان نییە، لە سەرتاسەری عێراق و بۆ جێبەجێکردنی ئەم پرۆژە ٧٨ ملیار و ٥٠٠ ملیۆن دینار تەرخان دەکات. ئەم کۆبوونەوەی ئەنجومەنی وەزیران دوای ئەوە دێت کە چەند ڕۆژێکە لە زۆربەی پارێزگاکانی عێراق بە هۆی نەبوونی خزمەتگوزاری و هەلی کارەوە خۆپیشاندانی سەرتاسەری دەستی پێکردووە، بەوهۆیەوە گرژی ئاڵۆزی لە نێوان هاوڵاتیان و هێزە ئەمنەیەکاندا دروستبوو و بەپێێ تازەترین ئامار تائێستا نزیکی ١٠٠ کەس کوژراون و چوار هەزاریش بریندار بوون.

Copyright 2019 BMC TV. All right reserved

Designed and Developed by AVESTA GROUP