Alternate Text

زۆرترین بینراو

Alternate Text

فایەق گوڵپی: لە ئێستادا زووە بۆ ئەوەی بڕیاربدەین ئەمریکا پشتی لە کورد کردووە لە رۆژئاوا

کوردستان

بینراو 141

پێش 1 هەفتە

Alternate Text
+ -

ئەمڕۆ سەرۆکی ئەمریکا لە تویتێکدا کشانەوەی هێزەکانی ئەمریکای لە سوریا راگەیاند، بەشێک لە سیاسەتمەداران و چاودێرانی سیاسیش ئەو بڕیارەی ترەمپ بە نادروست ناودەبەن و دەڵێن چۆڵکردنی مەیدانەکە بۆ تورکیا کارێکی خراپە دەبێتە هۆی دروستبوونی ئاڵۆزی زیاتر لە ناوچەکە.

دکتۆر فایەق گوڵپی، سیاسەت مەدار و چاودێری سیاسی لە بارەی بڕیارەکەی ترەمپەوە بە تۆڕی میدیایی بینەری راگەیاند، "لەپێش شەڕی داعش و هاتنی ئەمریکا هێزی کورد لەوێ هەبووە، بەڵام زروفێکی تایبەت هاتە پێشەوە داعش دروست بوو هێرشی کردە سەر رۆژئاوای کوردستان و ئەمریکاش هێزی ناردە ناوچەکەو بوونە هاوپەیمانی هێزە کوردییەکان شەڕیان لە دژی داعش کرد، بە تایبەت لە دوای شەڕی کۆبانییەوە، بەڵام مەرج نییە ئەو هاوپەیمانێتییە تا سەربێت".

ئاماژەی بۆ ئەوەشکرد، ئەو بڕیارەی ترەمپ جێی گوومانە چونکە دەڵێت ئێمە شەڕ لەگەڵ تورکیا ناکەین و هەقی تورکیامان نییە و بەم نزیکانە تورکیا هێرش دەکات.

باسی لەوەشکرد، رەنگە ئەمە تەڵەیەک بێت بۆ تورکیا بۆ ئەوەی بکەوێتە ناوییەوە، نموونەی ئەوەی هێنایەوە لە کاتی شەڕی عێراق- کوێت دا رۆژنامەنووسە ئەمریکییەکان چاوپێکەوتنیان لەگەڵ "سەدام حسێن" دەکرد و هانیاندەدا کە هێرشبکاتە سەر کوێت و ئەمەش رەنگە هاوشێوەی ئەو رووداوە بێت.

لە کۆتایدا وتیشی، رەنگە بەجۆرێک لە جۆرەکان ئەوە راستبێت کە دەڵێن ئەمریکا پشتی لە کورد کرد لە رۆژئاوە وەک ئەوەی لە ساڵی ٧٥ پشتی کردە مەلا مستەفا، کاتێک مەلا مستەفا بە پشتیوانی ئەمریکا و ئێران دیویست دەوڵەتی کوردی دروستبکات و ئەمریکاش پشتیوانی خۆی بۆ دەر دەبڕی.

روونیشی کردەوە، بەڵام دۆخی رۆژئاوا جیاوازا لە ساڵی ١٩٧٥ چونکە هێزە کوردییەکان لە رۆژئاوا لەرووی سەربازییەوە هاوپەیمانی ئەمریکا بوون و مەرج نییە ئەو هاوپەیمانێتییە تا سەربێت، لەگەڵ هەموو ئەوانەش جارێ زووە بڕیار بدەین کە ئەمریکا پشت لە کورد ئەکات یان نا.

Copyright 2019 BMC TV. All right reserved

Designed and Developed by AVESTA GROUP